Şaredarîya Farqînî û KASED’î “Pêdîyayîşê Cinîyan, Kede, Kultur û Hunerî” organîze kerd. Bernameyo ke do hîrê rojan dewam bikero, emşo Parka Rindêxane de bi deyîr, erbane û govende dest pêkerd.
Polîsan ser eşt awanîya Halk TVyî ya Îstanbulî. Halk TVyî rê qayûm ame tayînkerdene û weşan ame vindarnayene.
Merkez û qezayanê Şirnexî de binê çimdarîya leşkeran de hetê qoricîyan ra qirkedişê xoza dewam keno.
UNICEF’î eşkera kerd ke serabutê hewayî El Nino ke yeno pawitene ke dewrê 2026-2027î de tesîr bikero, 347 mîlyonî ra zafêr qijan tehdît kena û vat zuwayîya xurte, laser û kêmbîyayîşê awe beno ke weşî, perwerde û asayîşê bi mîlyonan qijan bierzo tehluke.
Koordînasyonê Kongra Starî dîyar kerd ke hedîseyê Hesekî sîyasetanê hêzanê zereyî û teberî ra girêdayeyî yê. Nê hêzî wazenê herême ser o tesîr û îqtîdarê xo awan bikerê. Koordînasyonî venga hişyarîye da vera sîyasetanê fitne û dişmenîye.
Sîyasetmedar Îdrîs Balukenî vat seba ke îqtîdar û dewlete ravêrê aştîye nêdomna Qirkerdişê Enqereyî qewimîya.
Xoverdekaranê Nobeta Azadîye yê Cenevre çalakîya Strasbourgî dewr girewte ke 745 hewte yo ke seba azadîya fîzîke ya Rayberê Şarê Kurdî Abdullah Ocalanî yena rayraberdene. Çalakwanan vat seba çareserîya meseleya kurdan ganî azadîya Rayberê Şarê Kurdî Abdullah Ocalanî bêro caardene.
Pêkewtişê mabênê hukmatê Yemenî yê binê paştgirîya Seûdîyan û Hûsîyan dewam kenê. Erebîstanê Seûdî da zanayene ke Tengava Babu’l Mendebî ‘pêmayîşê mîlîsanê Hûsîyan ra pak bîya’. Pakîstano ke yeno vatene Seûdî rê paştgirîya hewayî dano, eşkera kerd ke “Rîyad de nika hûmareka girînge de hêzêko eskerî yê înan esto.”
Rixmê qerarê îxlalî yê AYM’yî yê vera arêdayîşê kitaban, derheqê 12 kovar û kitaban de qerarê qedexeyî dîya. Vera qerarî mehkemeya corêne rê do îtîraz bêro kerdene.
Paris, Bordeaux, Toulouse û Stuttgart de Komployê Mîyannteweyî yê 9ê Teşrîna Verêne ame protestokerdene. Çalakîyan de azadîya Rayberê Şarê Kurdî Abdullah Ocalanî çareserîya demokratîke ya meseleya kurdan ameye waştene.
Wekîlê DEM Partî Vezîr Coşkun Parlakî vat ke seba averşîyayîşê ravêrî ganî şertê Rayberê Şarê Kurdî Abdullah Ocalanî bêrê bedilnayene û gamê pêtî yê verayewbînan bêrê eştene.
Keyeyê Rayberê Şarê Kurdî Abdullah Ocalanî û keyeyê hepisxaneyanê bînan seba pêvînayîşî şî Girawa Îmraliyî.
Endamanê Heyetê Îmraliyî yê DEM Partî Meclîs de Serekê Pêroyî yê MHP'yî Devlet Bahçelî û Hetkarê Serekê TBMM'yî Celal Adanî reyde pêvînayîşêk kerd.
Gerîlayanê HPG û YJA Starî derheqê serrgêra komployê 9ê teşrîna verêne ya 1998î de nirxnayîşê xo de dîyar kerd ke komployî heme şarê kurdî kerdbî hedef. Gerîlayan bale ante ke komplo bi têkoşînî pûç bi.
Wayîra Xelata Aştîye ya Nobelî ya 2026î dîyar bîye. Komîteya xelate, seba xebat û hewldanê aye yê verba averberdişê aştîye û huqûqê mîyanneteweyî, Navanethem “Navi” Pillay layîqê xelate dîye.
Evîndar Ararate vat ke înan sey têgêrayîşî seba domnayîşê ravêrî gamê zerrîweşî û cidî eştî: “Dewlete bi vatişê ‘terorî’ cebheyê zereyî pê nêkena. Faktoro bingeyên ê pêtkerdişê cebheyê zereyî, îtîfaqê şaran û komelî yo.”
Heyetê Rayraberdişî yê Merkezî yê DEM Partî serekîya Hemserekanê Pêroyî Tulay Hatîmogullari û Tuncer Bakirhanî de bi rojeva Ravêrê Aştîye û Komelê Demokratîkî û averşîyayîşanê peyênan kom bî.
KCK’yî serrgêra 29. Komployo ser o eşkerayêk da û vat, "Serra 29. ya komployî de wezîfeyê ma yo ke ma her qad de têkoşîn berz bikerê, Rayber Apo û şarê Kurdî azad bikerê. Serra 29. şarê Kurdî, dostanê ci û hêzanê demokrasî rê veng dana ke têkoşîn berz bikerê."
Endamanê Heyetê Îmraliyî yê DEM Partîye Pervîn Buldane û Mîthat Sancarî; Wekîlê Serekê Pêroyî yê AKP’yî Efkan Ala, Serekê Grube Abdullah Guler û Verfekê Partîye Omer Çelîkî reyde pêvînayîşêk kerd.
KON-MED’î serrgêra 28. ya komployê 9ê teşrîna verêne ya 1998î yê vera Rayberê Şarê Kurdî Abdullah Ocalanî de komplo şermezar kerd. KON-MED’î veng da ke 10ê teşrîna verêne de Duesseldorf, Berlîn, Hamburg, Frankfurt û Bremen de beşdarîya çalakîyan bibo.
Endamê Akademîya Zanistanê Komelkî ya Abdullah Ocalanî Duran Kalkanî vat: “Têkoşînê serra 29. yê vera Komployê Mîyanneteweyî, ganî têkoşînê rêxistinkerdiş û averberdişê têgêrayîşê komelê demokratîkî û serkewtişê têkoşînê komara demokratîke bo.”
Platformê Demokrasî û Kede yê Amedî dîyar kerd ke ê bi waştişê aştî, adalet kesê ke cuya xo vîndî kerdî do 10ê Teşrîna Verêne; saaet: 10.00 de Goristanê Yenîkoyî de yad bikerê.
Semedê şermezarkerdişê komployê 9ê Teşrîna Verêne û waştişê azadîya Rayberê Şarê Kurdî Abdullah Ocalanî, şarê Amedî roja îneyî verê NCity de yeno têhet. Meşo ke bi şîarê ‘azadî, aştî û statu’ yeno viraştene, heme şarî rê seba tewrbîyayîşî veng yeno dayene.
Qers de Hemamê Mazlum Axayî yo ke seserra 18ine ra mendo, çarenuşteyê xo rê ameyo caverdaîş û betal mendo. Hemamo tarîxîyo ke mîyanê mîrasê kulturî yê Qerse de ca gêno, restorasyonê ci qedîyayo, la hema zî girotî yo.