Rixmê qerarê AYM’yî: 12 kovar û kitabî bînî zî ameyî qedexekerdene

Qezaya Xana Axparî ya Amedî de peynîya aşma Temmuze de eştîşêkê keyeyî de dest nîya 12 kovar û kitaban ser. Bi waştişê dozgerîye, Mehkemeya Cezaya Sulhî ya 2. ya Amedî derheqê nê kitaban de qerarê arêdayîş û qedexeyî da. 

Goreyê xebera Ajansê Mezopotamyayî, nê ravêro ke Ravêrê Komelê Demokratîkî û Aştîye dewam keno de, qerar rê îbareyê “propagandaya rêxistine” û “Kurdistan” bîyî hincet. Mehkeme qerarê qedexeyê çapkerdiş, vilakerdiş, rotiş û destnîyayîşî da nê kovar û kitaban:

Weşanxaneyê Aramî ra kitabê Şîyar Dêrsim û Nûjîyan Munzurî "Kalbimin Hikayesi"

Weşanxaneyê Aramî ra kitabê M. Saît Uçluyî "Hakikat ve Özgürlük"

Weşanxaneyê Aramî ra kitabê A. Fuat Hengirvanliyî "Kürt Mahşeri", "Yöntem ve Hakikat Rejimi" û "Tarih Oluşmanın Zamanıdır"

Weşanxaneyê Aramî ra kitabê Abbas Turkmenî "Paradigmanın Tarihsel İnşası"

Hûmara 37. ya Jineolojî "Kadın ve Barış"

Kitabê Akademîya Jineolojî yê Weşanxaneyê Jingehî "Bingehê Dîrokî û Siberoja Şoreşa Jinê"

Weşanxaneyê Berçemî ra kitabê Îrfan Karacayî "Ape Musa'nın Küçük Generalleri"

Hûmarê Demokratik Moderniteyî yê 50., 53. û 55.

Qerarê AYM’yî

Qedexeyê neweyî dewam kenê la Mehkemeya Qanûnê Bingeyî (AYM) verê cû derheqê qerarê qedexe û arêdayîşî de bi desan qerarê îxlalî dabî. AYM’yî tewr peyên serdayîşê xeylê nuştox û weşanxaneyan (Aram, Avesta, Gelenek, Îmera, Payiz) û partîyan (HDP, CHP) ercna û binê sernameyê “Hasan Kaya Cemal û Ê Bînî” de qerarê îxlalî da.

Mîyanê serranê 2014 û 2020î de bi îdîayê "tehrîkê kîn û dişmenî" û "propagandaya rêxistine" xeylê eserê sey kitabê Rojbîn Perîşane, Hasan Cemal, Tugçe Tatarî, Yavuz Ekîncî û weşanxaneyanê sey Avesta û Aramî bîbî babeta qerarê îxlalî yê AYM’yî.

AYM qerarê xo de da zanayene ke arêdayîş û qedexekerdene, binpaykerdişê azadîya çapemenîye û îfadeyî yo. AYM vîyarna ra ke, eştîşê keyeyan ê seba dewayanê bînan de, arêdayîşê weşananê ke keye de vînîyenê zî dervayê huqûqî yo.

AYM ke bi zafêr qerarê îxlalî da, seba wedaritişê netîceyanê îxlalî qerar şawit mehkemeyanê eleqedaran ke newe ra muhakeme bêro kerdene. Eynî wext de qerarê tezmînatê manewîyî dîya.

 

Avûkat Resul Tamur, vera qerarê qedexeyî yê 12 kitab û kovaran, do mehkemeya corêne rê îtîraz bikero.