Xoverdekaranê Nobeta Azadîye yê Cenevre çalakîya Strasbourgî dewr girewte
Xoverdekaranê Nobeta Azadîye yê Cenevre çalakîya Strasbourgî dewr girewte ke 745 hewte yo ke seba azadîya fîzîke ya Rayberê Şarê Kurdî Abdullah Ocalanî yena rayraberdene. Çalakwanan vat seba çareserîya meseleya kurdan ganî azadîya Rayberê Şarê Kurdî Abdullah Ocalanî bêro caardene.
Nobeta Azadîye ke 25ê hezîrana 2012yî de bajarê Strasbourgî yê Fransa de seba azadîya fîzîkî ya Rayberê Şarê Kurdî Abdullah Ocalanî dîyaye destpêkerdene, hewteyê 745. de yana dewamkerdene.
Xoverdekarê çalakîya ke Cenevere yê Swîsre de verê Neteweyanê Yewbîyayeyan (NY) de yena rayraberdene û kewte hewteyê 297. Çalakîya Strasbourgî dewr girewte.
Çalakwanan Ahmet Dîkîlîtaş, Rêzan Kapar û M. Emîn Akkalp ke nobete dewer girewte eşkerayîye daye. Rêzan Kaparî ke bi nameyê grûbe qisey kerd, vat ke heta ke Rayberê Şarê Kurdî Abdullah Ocalanî azad nêbo çareserî mumkun nîya. Kaparî îfade kerd ke ê do bi qerardarîye heta azadîya fîzîkî ya Rayberê Şarê Kurdî Abdullah Ocalanî têkoşînê xo bidomnê.
