‘Seba ke îqtîdarî ravêrê aştîye nêdomna Qirkerdişê Enqereyî qewimîya’

Hêrişê DAÎŞ’î ke 10ê Teşrîna Verêne ya 2015î de ame kerdene û 104 kesan dinyaya xo bedilnaye, 11 serrî xo dima verdayî. Serekwekîlê Grûba HDP’yî yê dewrî Îdrîs Balukenî  ajansê ma rê planê peynî qirkerdişî û têkoşînê edaletî erjna.

Balukenî îfdade kerd ke badê qirkerdişanê Amed û Pirsûsî înan babeta beno ke hêrişê neweyî bibî de selahîyetdarî ameyî hîşyarkerdene la tedbîrê ke hewce kenê nêmayî girewtene.

Balukenî ard ziwan ke qirkerdiş tena sey zefîyetê asayîşî nêeşkeno bêro erjnayene, polîtîkayê sîyasîyî yê dewrî û qedîyayîşê ravêrê çareserî û hêrişî pabesteyê yewbînan ê û vat seba ke îqtîdarî ravêrê aştîye nêdomna Qirkerdişê Enqereyî ame ciwîyayene.

Balukenî îfade kerd ke cipersayîş û muhakemekerdişî kêm mendî, bale ante ser ke  heta ewroyî qet wezîfedarêkê dewlete rîyê berpirsîyarîya xo ra nêame mehkumkerdene û waşt wa qirkerdiş her hetî ra bêro roşnkerdene.

Baluken îfade kerd ke ganî vera provokasyonan ke beno ke vera Ravêrê Aştîye û Komelê Demokratîkî bêrê kerdene, îqtîdar û dewlete gamanê pêtan ke bawerî xurt kenê, bierzo û vat ke têkoşîn û aştîye demokrasî dewam keno. Balukenî vat: ''Seba ke têkoşînê ma ser bikewo, rayîr û metodê hîna afirnayox, çalakî û aktîvîteyê hîna xurtî hewce kenê.''