UNICEF: Rîyê El Niñoyî ra 347 mîlyon qijî binê tehlukeyî de yê
UNICEF’î eşkera kerd ke serabutê hewayî El Nino ke yeno pawitene ke dewrê 2026-2027î de tesîr bikero, 347 mîlyonî ra zafêr qijan tehdît kena û vat zuwayîya xurte, laser û kêmbîyayîşê awe beno ke weşî, perwerde û asayîşê bi mîlyonan qijan bierzo tehluke.
Fonê Hetkarîya Qijan ê Neteweyanê Yewbîyayeyan (UNICEF) hîşyar kerd ke serabuta hewayî El Nino ke yeno pawitene ke dewrê 2026-2027î de bibo bitesîr, beno ke nizdê 100 welatan û herêman de tesîrê 347 mîlyonan ra zafêr qijan bikero. Ame vatene ke zuwayîya xurte, laser û kêmbîyayîşê awe beno weşî, perwerde û asayîşê bi mîlyonan qijan bierzo tehluke.
Goreyê doneyanê UNICEF’î herêma ke tewr zaf binê tehlukeyî de ya bi 190 mîlyon qijan Asya-Pasifik a. Yeno texmînkerdene ke Afrîkaya Rojhelate û Başûre, Amerîkaya Latîne û Karayipler de bi temamî 82 mîlyon qijî beno ke binê tesîrê ci de bimanê. Ame vatene ke beno ke ziwayîye, laserî û kêmbîyayîşê awe berardişê ziretî bikêmnê û bibê sebebê ci ke qijî erdê bêrê vetene.
UNICEF’î bale ante tesîrê krîzê îklîmî yê serê perwerdeyî zî. Ame vatene ke têna 2025 de rîyê serebutanê hewayî ra perwerdeyê 171 mîlyon wendekaran ame birnayene, dewrê 2016-2023yî de rîyê afatan ra her roje heme heme 20 hezarî ra zafêr qijî cayê xo ra bîyî. Dezgehî veng da hukmatan û dezgehanê hetkarî yê mîyanneteweyî ke hema ke afatî nêqewimîyayî wa tedbîrî bêrê girewtene, wa xizmetê weşî, perwerde û weyekerdişî yê qijan bigêro binê temînatî.
