Li Silopiyayê gelek ciwan hatin binçavkirin
Polîsan îro di danê sibehê de li taxên Barbaros, Cumhuriyet û Nûrê yên navçeya Silopiyaya Şirnexê bi ser gelek malan de girt.
Polîsan îro di danê sibehê de li taxên Barbaros, Cumhuriyet û Nûrê yên navçeya Silopiyaya Şirnexê bi ser gelek malan de girt. Di encama serdegirtinên malan de ciwanên bi navên Mehmet Deger, Ridvan Deger, Ozcan Kartuş, Umut Ozbek û gelek kesên ku navên wan nehatin zanîn hatin binçavkirin. ciwanên ku hatine binçavkirin birin Midûriyeta Emniyetê ya Şirnexê.
Li Ceyhana Edeneyê jî binçavkirin
Ji aliyekî din ve li navçeya Ceyhan a Edeneyê polîsan danê sibehê bi ser gelek malan de girtin.
Polîsan Abdulhekîm Aslan û Ramazan Bahadir di nav de gelek kes destgîr kirin. Kesên ku hinceta destgîrkirina wan nehate zanîn birin Miduriyeta Polîsan a Navçeyê.
Serê sibehê li navçeya Silopiya ya Şirnexê jî li taxên Nûr, Barbaros û Cûmhûriyetê gelek kes hatin destgîrkirin. Bi taybetî ji 25'ê Nîsanê û vir ve bi rengekî girseyî destgîrkirin tê kirin.
Hêjayî gotinê ye li Amed, Stenbol, Enqereyê di operasyonên qirkirina siyasî de rojnamevan, siyasetmedar, hunermend, sendîkavan ûparêzer jî di nav de bi sedan kes hatin destgîrkirin.
