Hejmar 40Rûpela çapkirî (PDF)
Merkezê Xeberan
Merkezê Xeberan
Mamoste Silêman
Merkez û qezayanê Şirnexî de binê çimdarîya leşkeran de hetê qoricîyan ra qirkedişê xoza dewam keno.
Merkez û qezayanê Şirnexî de binê çimdarîya leşkeran de hetê qoricîyan ra qirkedişê xoza dewam keno.
Koordînasyonê Kongra Starî dîyar kerd ke hedîseyê Hesekî sîyasetanê hêzanê zereyî û teberî ra girêdayeyî yê. Nê hêzî wazenê herême ser o tesîr û îqtîdarê xo awan bikerê. Koordînasyonî venga hişyarîye da vera sîyasetanê fitne û dişmenîye.
Koordînasyonê Kongra Starî dîyar kerd ke hedîseyê Hesekî sîyasetanê hêzanê zereyî û teberî ra girêdayeyî yê. Nê hêzî wazenê herême ser o tesîr û îqtîdarê xo awan bikerê. Koordînasyonî venga hişyarîye da vera sîyasetanê fitne û dişmenîye.
Seba "11ê Teşrîna Verêne Roja Vilakerdoxanê Rojnameyan ê Dinya", Generalanê Qijkekan ê Apê Musayî ra Meryem Akçîçek û Hasan Gulî qisey kerd. Vilakerdoxan dîyar kerd ke karê înan têna vilakerdişê rojnameyan nîyo, eynî wext de yew berpirsîyarî, pawitişê heqîqetî û wayîrvejîyayîşê mîrasê şehîdan o.
Seba "11ê Teşrîna Verêne Roja Vilakerdoxanê Rojnameyan ê Dinya", Generalanê Qijkekan ê Apê Musayî ra Meryem Akçîçek û Hasan Gulî qisey kerd. Vilakerdoxan dîyar kerd ke karê înan têna vilakerdişê rojnameyan nîyo, eynî wext de yew berpirsîyarî, pawitişê heqîqetî û wayîrvejîyayîşê mîrasê şehîdan o.
Qers de Hemamê Mazlum Axayî yo ke seserra 18ine ra mendo, çarenuşteyê xo rê ameyo caverdaîş û betal mendo. Hemamo tarîxîyo ke mîyanê mîrasê kulturî yê Qerse de ca gêno, restorasyonê ci qedîyayo, la hema zî girotî yo.
Rojnameger Bahadir Ozgurî vat ke talanê fonan krîzêko fînansî nîyo, mekanîzmayêko îstîsmar û vîyarnayîşê sermîyanî yo ke îqtîdarî viraşto: "No, tezgahê talanî yo tewr gird ê tarîxê Komar o ke hema-hema heme kesê îqtîdarî tede yê."
Mintiqa Agirî û Qersî de, bi vilabîyayîşê nêweşîya şapî, borsayê heywanan seba yew aşme ameyî girewtene. Baytarî bale ancenê ke ganî aşîyê bîqeydeyî (nizamî) bêrê kerdene. Êyê ke debara xo bi heywandarîye kenê zî vanê ke ê mexdûr bîyê.
Tarîxê xoverdayîşanê dinya û têgêrayîşanê antî-emperyalîstan de 8ê Teşrîna Verêne, roja tepiştişê şoreşgerê namdarî Ernesto "Che" Guevarayî ya. O yo ke 8ê Teşrîna Verêne 1967 de Bolîvya de birîndar kewt destê artêşî, rojêk dima ame qetilkerdene û bi nê hawayî bi sembolêkê bêmergî yê şaranê bindestan.
UNICEF’î eşkera kerd ke serabutê hewayî El Nino ke yeno pawitene ke dewrê 2026-2027î de tesîr bikero, 347 mîlyonî ra zafêr qijan tehdît kena û vat zuwayîya xurte, laser û kêmbîyayîşê awe beno ke weşî, perwerde û asayîşê bi mîlyonan qijan bierzo tehluke.
