Li Îranê 2 kesên din hatin bidarvekirin

Di 16’ê îlonê de jina kurd Jîna Emînî li Îranê ji aliyê hêzên rejîma Îranê ve hatibû qetilkirin. Piştî qetilkirina Emînî gelê kurd ê rojhilatê Kurdistanê li dijî rejîma Îranê serî hildan û niha bi têvî hemû gelê azadîxwaz serhildan hê jî didome. Wek bi sedan kes Muhammed Mehdî Kerîmî û Seyîd Muhammed Huseyînî jî ku bi hêceta tev li çalakiyan bûne hatibûn girtin, bi îşkenceya giran re rûbirû man vê sibehê hatin darvekirin. Bi darvekirina Kerîmî û Huseyînî re hejmara çalakvanên ji aliyê rejîma Îranê ve hatin darvekirin derket 4’an.

Înternationala Îranê diyar kir ku tê gotin Kerîmî û Huseyînî ji kuştina endamê Besîcê Ruhollah Ajamian tên tawanbarkirin û li ser biryara Dadgeha Bilind a Îranê her çiqas kampanya ji bo wan hatibû destpêkirin jî hatin darvekirin. Ruhollah Ajamian ku endamê çeteyên paramîlîter ê endamê Besîcê ye. Têkildarî kuştina vî kesî di meha mijdarê de li 5 kesan cezayê darvekirinê hatibû birîn û li 11 kesan jî cezayên dirêj ê hefsê hatibû birîn.

Jinên girtîgreva birçîbûnê dabûn dest pê kirin

Piştî biryara darvekirinê hatibû dayîn li Girtîgeha Karajê jinên girtî li dijî biryara darvekirinê greva birçîbûnê dabû dest pê kirin û ev 14 rojin didome. Dîrektorê Têkiliyên Gel ê Dadgeha Bilind Amir Haşimî vê sibehê li ser qenala Telegramê ya Ajansa Nûçeyan a Darazê ragihand ku Kerîmî û Huseyînî hatine darvekirin.

Muhemmed Mehdî Kerîmî ji bajarê Bîcar a girêdayê eyaleta Sinê ya Kurdistanê ye.Di dema xwepêşandanan de hatibû binçavkirin û bi kuştina Besîcîyekî dihate tawanbarkirin.