Komên çete êrîşî gundewarên Minbicê kirin
Çeteyên girêdayî dewleta tirk îro di saet 06.00’an de bi riya bejahî êrîşî gundewarên li bakur-rojavayê Minbicê kirin.
Çeteyên girêdayî dewleta tirk îro di saet 06.00’an de bi riya bejahî êrîşî gundewarên li bakur-rojavayê Minbicê kirin.
Hêzên Meclîsa Leşkerî ya Minbicê jî bersiva êrîşan da û li gundê Ewn Dadat êrîş têk birin.
Li gundên Muhsenlî, Ereb Hesenû, Um Cilûd, Seyade û Dendeniyê jî pevçûn didomin.
Li gorî agahiyên çavkaniyên leşkerî di êrîşên destpêkê yên li ser gundê Mihsenlî yê li bakûr-rojavayê Minbicê de 4 zarok şehîd bûn.
Hêjayî gotinê ye ku di demekê de Hêzên Sûriya Demokratîk operasyona xwe ya li Dêrazorê li dijî çete û şaneyên veşartî berdewam dike, komên çekdar li deverên girêdayî dewleta tirk êrîşî herêmên Xweseriya Demokratîk dikin.
