Ji bo zindana Amedê ‘Desteya Şêwirê’ tê avakirin
Baroya Amedê têkildarî Zindana Amedê ya Jimara 5’an ku piştî darbeya 12’ê Îlona 1980’yî bû navenda îşkenceyê û biryargeha leşkerî, xwest veguherînin muzeyê di 21’ê tebaxê de serî li Wezareta Çand û...
Baroya Amedê têkildarî Zindana Amedê ya Jimara 5’an ku piştî darbeya 12’ê Îlona 1980’yî bû navenda îşkenceyê û biryargeha leşkerî, xwest veguherînin muzeyê di 21’ê tebaxê de serî li Wezareta Çand û Turîzmê da. Baroyê di serlêdanê de xwest têkildarî “Çêkirina Projeyên Muze û Qada Çandê ya Girtîgeha Amedê ya Tîpa E’yê” agahî werbigire. Wezaretê bersiva, “Desteya Şêwirê” tê avakirin, da serlêdana baroyê.
Xebat didomin
Wezareta Çandê û Turîzmê di bersiva xwe de gotiye ku xebatên avakirina ‘Desteya Şêwirê’ ya li ser girtîgehê berdewam dike û piştî kar û barên li ser meseleya navborî temam bibin dê agahî belav bikin.
Hafîzeya civakî ya kurdan
Baroya Amedê têkidlarî bersiva wezaretê li ser hesabê xwe yê medya dîjîtal daxuyanî da û balê dikişîne ser îşkenceya li wê heyamê di girtîgehê de hatiye kirin û Zindana Amedê ji bo bibe navenda hafizeya civakî ya kurdan xwedî ciheî taybet e. Baroya Amedê destnîşan kir ku divê mexdûrên Zindana Amedê daxilîpêvajoya veguherandina girtîgehê bên kirin.
