Ji bo 15 rojnamegerên girtî biryara berdanê hat dayîn

Danişîna ewil a 15 jê girtî 18 rojnamegerên girtî ku duh dest pê kiribû îro di roja duyemîn de bi dawî bû. Danişîn li 4’emîn Dadgeha Cezaya Giran a Amedê hat dîtin. Piştî parastina rojnamegeran û parêzerên wan heyeta dadgehê ji bo aşkerakirina biryara xwe navber da danişînê. Piştî navberê heyeta dadgehê ji bo her 15 rojnamegerên girtî jî bi şertê kontrola edlî biryara berdanê da.

Navê rojnamegerên bên berdan

Navê rojnamegerên girtî ku biryara berdana wan hat dayîn wiha ne;

Hevserokê Komeleya Rojnamegeran a Dîcle Firatê (DFG) Serdar Altan

Midurê Karên Nivîsan ê Rojnameya Xwebûnê Mehmet Alî Ertaş

Nivîskarê Rojnameya Xwebûnê Mehmet Şahîn

Edîtorê Rojnameya Xwebûnê Zeynel Abîdîn Bûlût

Edîtorê Ajansa Mezopotamyayê (MA) Azîz Orûç

Rojnameger Omer Çelîk, Kameraman Mazlûm Dogan Guler

Kameraman Îbrahîm Koyûncû

Pêşkêşvan Neşe Toprak, Pêşkêşvan Elîf Ungur

Kameraman Abdûrrahman Oncu

Kameraman Suat Dogûhan

Rojnameger Remziye Temel

KameremanRamazan Gecîken

Rojnameger Lezgîn Akdenîz

Li bendê ye ku rojnameger di saetên şevê de ji girtîgehê bên berdan.

Piştî biryarê ji bo pêşwazîkirina wan gelek rojnamegeran berê xwe dan ber kampûsa girtîgehên Amedê.