HSD’ê bîlançoya 24 saetan aşkera kir
Hêzên Sûriya Demokratîk (HSD) têkildarî êrîşên dewleta tirk ên di şeva 19’ê mijdarê de daxuyaniyek weşand û bîlançoya 24 saetên dawî aşkera kir.
Hêzên Sûriya Demokratîk (HSD) têkildarî êrîşên dewleta tirk ên di şeva 19’ê mijdarê de daxuyaniyek weşand û bîlançoya 24 saetên dawî aşkera kir. HSD’ê diyar kir ku êrîşên hewayî ev 3 roj in didomin û wiha got: “Di heman demê de bi topan û rokêtavêjan êrîşî herêmê dikin. Di van êrîşan de febrîqeyan, avahiyên stratejîk, nexweşxane, bîrên petrolê û milkê welatiyan hedef digirin.”
Li gorî daxuyaniya HSD’ê bîlanço wiha ye:
“Hejmara êrîşên bi balafirên şer: 6
Hejmara êrîşên bi balafirên bê mirov: 6
Hejmara êrîşên bi çekên giran, tank û moşekan: 82
Hejmara topên li herêmê ketine: 590
Hejmara cih û deverên hatine hedefgirtin : 45. Di nav de nexweşxane, îstasyonên sotemeniyê û bîrên petrolê jî hene.
Hejmara bikaranîna çekên kîmyewî li dijî herêmê : 1. Dewleta tirk gundê Tatmeraş ê li başûrê Efrînê topbaran kir.
Şehba
Hejmara topbarana bi tank û topavêjan: 43. Tê de zêdetirî 36 gund û cih hatin hedefgirtin.
Hejmara topên li herêmê ketine: 570.
Herêmên ku bi çekên giran û moşekan hatine hedefgirtin wiha ne; Şêx Îsa, Zîwan, Herbil, rêya Ehrezê, Til Medîq, Minix, Bêlûniyê, Bendava Şehbayê, Til Çîçan, Til Enab, Wehşiyê, Kefer Naya, Semuqa û balafirgeha Minixê.
Hejmara kesên jiyana xwe ji dest dane: 2 endamên hêzên hikûmeta Şamê jiyana xwe ji dest dan.
Hejmara birîndaran: 2 endamên hêzên hikûmeta Şamê.
Kobanê
Hejmara êrîşên bi balafirên şer: 1. Li dijî navenda Kobanê.
Hejmara hedefgirtina bejahî: 9.
Herêmên hatine topbarankirin: Sêlim, Kul Tepe, Siftik, Qeremox, Navenda Tenduristiyê ya Qeremoxê, Zormixar, Cargelî û Dibistana Goran.
Efrîn
Hejmara topbaranê: 16.
Hejmara topan: 20.
Hejmara kesên jiyana xwe ji dest dane: Endamekî hêzên hikûmeta Şamê jiyana xwe ji dest da.
Gundên hatine topbarankirin: Bênê-Ibîn, Miyase, herêma di navbera gundên Birc Qasê û Miyase, derdora baregeha Îranê li gundê Bênê, Îrşadiyê, Elqemiyê, Malikiyê, Şewarxe, Merenaz, stasyona sotemeniyê ya Elqemiyê.
Minbic
Hejmara êrîşan: 2.
Gundên hatine topbarankirin; Mehsenlî, Hûşeriyê. Balafirên bê mirov li asîmanê rojhilat, rojava û bakurê Minbicê geriyan.
Heseke
Hejmara êrîşên bi balafirên bê mirov: 3. Yek li dijî baregeha hevbeş a YAT û Koalîsyona Navneteweyî û 2 jî li dijî gundê Oceyê hatin kirin.
Hejmara topbarana bi topavêj, tank û moşekan: 2.
Herêmên hatine hedefgirtin: Baregeha hevbeş a YAT û Koalîsyona Navneteweyî, gundewarên Til Temir, Zirgan û Um El Xêr.
Hejmara şehîdan: 2 şervanên YAT’ê.
Hejmara birîndaran: 3 şervanên YAT’ê.
Qamişlo
Hejmara êrîşên bi balefirên bê mirov: 2. Yek li dijî zeviya petrolê yê bi navê Ewde, ya din li nêzî gundê Lîlan ê li başûrê rojavayê Tirbespiyê.
Hejmara hedefgirtinan: 10
Hejmara birîndaran: Endamekî hêzên hikûmeta Şamê bi sekvaniyê li nêzî deriyê sînor ê Nisêbînê bi Qamişlo re, jiyana xwe ji dest da.
Herêm û gundên hatine hedefgirtin: Til Zîwan, GirDahol, Tokî, Til Kêf, çerxerêya Elî Fero, Rotan û Girkê Şamo.
Dêrazor
Hejmara êrîşên bi balafirên şer: 5. Tê de gundê Mekmen ê tenê bi 70 kîlometreyan ji sînor dûr e, hat hedefgirtin.”
