Sîyaseta newe lazim o!

Ma kurdî bi deshezar serran o Mezopotamya de yê. Zaf medenîyetîy ma pêk ardo û pêbestê. Dinyayî rê aştî fezayî ra aramî her waxt waşto. Ma, ma û pîyê dinyayî yê. Ma, mîyaninê Firat û Dîcle ra vila dinyayî bîyê. Ez nêvani ha, ez vajî beni fasîşt! Samuel Noah Kramer kitaba xo ya Tarîh Mezopotamyayî ra dest pê keno de, vano. 

Yanê bi kilmî ez vajî hinî eyseno ke koka însanan kurd o. Çi heyf ke vizêrî û ewro zafêreya tornê ma, bi her hawayî ma xo ra dijmin vînenêy û polîtîka dijminteyî romitê û romenêy. Kiştabînî de kurdan, dewlete anzî grûbê terorîst ke verbê kurdan dijminatî kerdê ra, bîyê dijmin. Eyra pey, kurd insanan dijmin nêvînayê û nêvînenêy. No paradîkmayê kurdan ra ya herî zelal a. Zatî nêeşkena bivîno zî. Çimkî ma û pî nêeşkenêy gedeyê xo dijmin bivînêy...

Ewro û vizêrî kurd, bêadaletî û ekonomîyî ra bi hezar serrano ke koçkerdeya bi dil û zordarî, bîyo qedera kurdan. Êş û elem, mezgê kurdan ra kemî nêbîyo û nêkerdê. Sitresî ra zafêreya kurdan xerîbî de cuyê xo nêweş kerdê û kenêy... 

Encama dakoçkerdiş û koçkerdişî fatûreyeke zaf giran veto orte. Bi glokine dewletîy sîyaseta zereyê kêyeyî ra, dibistan, nêweşxane, wekîlan, partîyan, heme rayvistineyê fermî, edalet, dijberteya kurdan kerdêy la bi ser nêkewtî. Vînay nêbeno, semedoke civaka kurdan bixeripnê û bihelînê ra madeyê tiryakî, fûhûş, lîberaltî, bêedaletî, bêbawerî, bi dînan xapînayiş... Kerdêy polîtîka xo û ya kurdan. Na gam civaka helisnayê, pelixnaye, bêgoşt, çilmisyaye, heqnêgeyraye... viraştê. Civakeke hinî awan kerdê ke, hima hima her merdim zilmî verde hîrê meymûnan kay keno û vano 'mar o ke bi min nêtepêşo wa hezar serran bicuyo'... Zatî wina yeno hesabê dewletan zî. 

Sîyased çiçî beno wa bibo. Lazimo kurd sîyaseta xo newera awan bikero. Civaka kurd her çiqas xeripyabo û paradîgmayên xo ra çewt kewtbo zî lazimo xo newe bikero û ageyro eslê xo ser. Ageyrayişê sîyaseta rast û eslê xo, do bibo azadbîyayişê kurdan, Kurdîstan û dinyayî. 

Ma vîra mekerê ke koka medenîyetan koka mara yo. Ma şikyenê çewteyên xo, (zey ewropayijan cuyayîş, xurokerdiş, geyrayiş, werdiş, roniştiş û weriştiş, deyirê bîyanijan baş vînayiş yê xo qijkek vînayiş, edaleta bîyanijan ya koletî serro awan bîyo sey edeleto baş vînayiş, bawerî û kerdişê înan serdest vînayiş...) raşt bikerêy. Çimkî waxtê verînan de înan medenîyetê ma, ma ra girotê û sentezeke newe viraştê û xo zey warê medenîyetan mojnayê. No raşt nîyo. Kok yê ma yo. Lazim o ma nêweşeya zerikî ra şîlmaqeke Medan biderê xora ke zerika ma biqedîyo û ma xo newera awan bikerê. No newekerdiş do civaka ma ya helisnaye yî bi polîtîka dem dergine weşeyî de avera bibero.

Pekî do senî bibo?

Polîtîka kurdan ya na gam çend qeleman sero romîyeno, lazim o zaf qeleman sero gere bixebityo...

Şaredarîyê kurdan bi her hawayî kesê girêdayê tiryakî ra komxetê karan û bicakerdişî ra heta rakewtişê înan bîyaro ca...

Tîmên lijneya dijî tiryak, fûhûş, tefecî, xayîn û zwn. Qada legal de xebatê yê îkna û zwb. teqez gere bironîyê. Beno ke nêy xebatkarî qada şaredarî ra fon zî bigo... Civaka kurd û dildarê înan bi modela japonwarî dibistanan, kargehan, sîyaset û zwb. Bi girweyê xo ra girêdaye û mamulê bi kalîte biafirnê...