Sîyased çiçî beno wa bibo. Lazimo kurd sîyaseta xo newera awan bikero. Civaka kurd her çiqas xeripyabo û paradîgmayên xo ra çewt kewtbo zî lazimo xo newe bikero û ageyro eslê xo ser. Ageyrayişê sîyaseta rast û eslê xo, do bibo azadbîyayişê kurdan, Kurdîstan û dinyayî.
Şertê Homayî bi dîn an zî bê dîn kewtê genên kurdan û bîyê felsefeyêke xoser. No semed ra kurdî merdiman û dinyayî ra zaf hes kenê û bi xozayî dijminateyî qebûl nêkenê; her tim aştî û aramî de wazenê bicuyê. Felsefeya kurdan felsefeya Homayî ya û xilasîya dinya nê felsefeyî de nimite ya.
Semedo ke problemê sîyasî hewna zaf êy ra problemê citkaran hal bikerê tim pey de mendo. Lazim o heme probleman sîyaseta kurdan pîya bibero. Eke ling avera şêro dest peyde bimano canêke rayîra şêro seqet şino. Lazimo canî de çilebat estêy pîya avera şêrê dijminan ver ke dijmin biterso, ey vero paya vindertiş û xoverdayiş hewna xurt û bi çim bo aversîyayiş do hewna xurt û geş bibo.
Ez zî tîyara veng danê heme kurdê Kurdîstanî û vila dinyayî bîyê. Herî tayn hîrê çahr domanan bi kurdewarî gird bikerê ke kurdîy zey dara mazêrî koka xo sero de her tim bi xozayî kuwe bibêy. Bibêy ke amayişê 100 anzî 200 serrî de ma dinyayî pêro bikerêy kurdewar, aştî û aramî de heme kesan biderê cuyayişî.
Waxto ke medya vajîyeno; deyirvajî, nustişê tarîhî, kovar, nusteyên kesan an zî nustoxan, kîtabîy, radyo, televizyon, internet û rojnamegerî heme medya ya. Çimkî hemeyî şahideya waxta xo kenêy û înan ra ey demî de çi cuyayê belî beno. Kista bînî de teknolojî çiqas avera şîyo, dinya hintayê qijkek bîyo. Çimkî bîyayişeke newe bilez û bez bi teknolojî vila bena.
Civak bi edalet û exlaq pay ra vindena. Cayêk de nêy çinî bibê, o ca de rizyayîşo her tewir esto û wextêko kilm de a kom yan zî civak helîyayîşî ra mirena
Mezopotamya de polîtîkaya ke Kurd tede ca nêgêno, emrê ci kilm û leymin o. Semedo ke Kurdî leyminîye qebûl nêkenê, her tim çoweyê zaliman vileyê ma ser ra kêm nêbîyo. Çi marîfet o ke Kurdî hendayê raştê qirkerdişan (qetliyaman) ameyê zî kok ra vîndî nêbîyê! La asîmîlasyon û otoasîmîlasyono sosyolojîk û ercanê bînan dir rîbirî mendê û na game zî xoverdayîşê ci danê