Qeymaqamê Peyasê konên zebaşfiroşan xira kir

Qeyûma Peyasê bi fermana Qeymeqamiya Peyasê, bêyî hincetê nîşan bide konên zebeşfiroşan ên li ser rêya Rihayê ya tenişta Otogara Mezin a Amedê, xira kirin.

Zebeşfiroş Şexmûs Malkoç ku 48 sal in karê firotina zebeşan dike û ev 5 sal in jî li ser Rêya Rihayê kon vedaye, diyar kir ku du roj berê zabitayên şaredariyê ji bo xirakirina konê hatine û wiha got: "Rayedaran diyar kirin ku ev bi fermana Qeymeqamê Peyasê dê konan xira bikin û konên me xera kirin."

Malkoç destnîşan kir ku zabita konê wî û çend konên din ên li ser Rêya Rihayê xira kirine û wiha axivî: “Konê min xira kirin. Lê ez ji cihê xwe ranebûm. Min ji wan re got vê zivistanê ez ê çi bikim û heta ez zebeş û petêxên xwe nefiroşim naçim ciheke din.”

Her wiha Malkoç da zanîn ku piştî berteknîşandayînê zabita çûne û got: “Lê nediyar e dê kengî bên min ji cihê min derxin.”