Mexmûriyan li dijî têlkirinê konê çalakiyê vedan
Şêniyên Wargeha Penaberan a Mexmûrê li dijî dorpêç û têlkirina wargehê konê çalakiyê vedan.
Şêniyên Wargeha Penaberan a Mexmûrê li dijî dorpêç û têlkirina wargehê konê çalakiyê vedan. Di 27’ê kanûna 2021’ê de hêzên Iraqê xwestin bikevin Wargeha Penaberan a Mexmûrê û derdora wargehê bi têlan dorpêç bikin. Li ser vê yekê gelê wargehê herikî seytereyê û nerazîbûn nîşan dan. Piştî nerazîbûn û hevdîtinan hêzên Iraqê xwe paş ve kişand. Lê hîn metirsiya têlkirina wargehê dewam dike. Li dijî têlkirina wargehê, li nêzî seytereyê konê çalakiyê hat vedan. Piştî ku kon hat vedan bi dehan şêniyên wargehê li ber derê kon civîyan û daxuyanî dan. Endamê Komîteya Karê Derve ya Wargeha Mexmûrê Seîd Çomelk li ber derê kon daxuyanî da. Çomlek destpêkê behsa hewldana têlkirina derdora wargehê kir û wiha got: “Ev demeke wargeha me bi pirsgirêkan re rû bi rû ye. Di hevdîtinên ku me bi hêzên Iraqê re dikir de ev mijara têlkirina derdora wargehê nebû. Di 27’ê kanûnê de biryara ku ji aliyê dewleta Iraqê ve hatî girtin ew bû ku derdora wargehê bê têlkirin. Ji bo wê hêzeke leşkerî li gel karkerên xwe û
