Cîgirê Hevserokên Giştî yên DBPê Huseyîn Bîrlîk diyar kir ku pirsgirêka kurd a 200 salan tenê bi derxistina qanûna çarçove çareser nabe û got: “Çareserî hêzkirina hiqûqa demokratîk, misogerkirina hemwelatiya wekhev, naskirina mafên nasname, ziman û çandê yên gelê kurd, xurtkirina demokrasîya herêmî û rakirina astengên li pêşiya siyaseta demokratîk e.”
Talankirina sîstematîk a daristanên Behdînanê ku ji aliyê dewleta Tirk û fîrmaya Cengîz Holdîngê ve tê meşandin, li Başûrê Kurdistanê bû sedema pêleke mezin a nerazîbûnan; li nûnertiya Silêmaniyê ya Parlamentoyê li dijî vê "jenosîda jîngehî" gilî hat tomarkirin, daxuyaniyên Waliyê Dihokê Elî Teter ên ji bo parastina talankeran bertekên tund kişandin ser xwe û banga îstifayê li walî hat kirin.
Metîn Yoldaş der barê kana zêr a li Giyadînê û qirkirina xwezaya Mûşê de got: “Polîtakaya qirkirina xwezaya Kurdistanê armanc dike ku gel ji axa xwe dûr bikeve û li metrepolan birçî, hêsîr, bêçare bimîne. Loma ji bo pêşeroja zarokên xwe, divê em destûrê nedin ku ax û ava me bê jehrîkirin.”