Vîrardişê Şehîdanê Kurdîstanî

Menga êlule de şarê kurd şehîdê  xo yad kerdî. Çar parçeyê Kurdîstanî û Tirkîya de şarê kurd şehîdanê xo rê wayîr vejîyayî û yad kerdî. Dîrokê Kurdîstanî de, raya ewilî ya ke bi komê hûmaritişî de hende zaf lîsteyê şehîdan ameyê eşkerekdene. Şarê kurd seba şehîdanê xo zaf xemgînî bî û bi taybetî keyeyê şehîdan zaf zerrîzîzî bîyî, çimkî zaf keyeyan nêzananê ke, laj û kêneyê înan şehîd kewtî. La ancî zî keyeyê şehîdan wayîrê şehîdanê xo vejîyayî û bi rewşa merasîmî de Şehîdê xo, şarê xo reyde yad kerdî. Hema zî yadkerdişê şehîdê Kurdîstanî, domîyeno. 

Şarê kurdî, laj û keyneyê xo yê tewr erjayeyî, dawaya Kurdîstanî de feda kerdî. Enka zî zerrîya her welatperwer de, yew Kurdîstano azad esto. Her çiqas Tevgerê Azadîya Kurdî, verbê dewlete gaman bierzo zî no hereket dewleta kedwere nêwazeno. Rayna zî zerrîya şarê kurdî de, yew Kurdîstano azad cayê xo girewto.

Dîrokê Kurdîstanî de, PKK partîya şehîdan a,  eke ewro Tewgerê Azadîya Kurdî ameyo no sewîye, sayedê nê şehîdan o. Ewo şarê kurd zî deyndarê şehîdanê xo yo. Şarê kurdî zî ganî deynê xo yo pîrozinî bîyar oca. Gama ke ma dîrokê PKK’î ra ewnênê, her wext bi sayeyê şehîdan, hemleyê girdî  ameyê ca. Wexto ke PKK hema awan nêbîybî, rewşa yew kome de bî. Dewlete waşt ke Koma  Apocîyan tasfiye biker o. Raya ewilî de, na koma Apocîyan ra Hekî Karer şehîd kewt. Koma Apocîyan, waşt ke heyfê/ qesasê embazê Heqî bigîrê. La senî qesas bigîrî, no war de, zaf pêşnîyazî amey watiş û en peynî de zî Rayverê Şarê Kurdî pêşnîyazêkî keno û vano ke mav qesasê Hekî bigîrî. Ganî ma şexsê embazê Heqî de PKK awan bikerê. Serra 1978 de PKK saz bena û xo hêrişkerdişê eşîreta Bucaxî eşkera kena. Bi fermî PKK xo îlan kena.

Heyfgirotişo tewr gird zî xoverodayîşê 15ê Tebaxe  bi. Erka dewlete waşt ke PKK tasfiye bikero. La senî tasfiye bikero? Zindanê Amedî de, epey pêşengê PKK bîy, Dewlete zindanê Amedî xo rê se herêma pîlote weçînay. Dewlete na ray zî waşt ke PKK Zindanê Amedî de teslîm bigîro û tasfiye bikero. Zindanê Amedî de, wahşetê girdî wirazîyay û waşt ke bi rewşa îxanetî, pêşenganê PKK’î teslîm bigîro û kurdan biqedêno. La pêşengê fedayî yê PKK’yî, Mazlum Doganî, planê dewlete weş fam kerd û xo feda kerd. Dime zî koma çaran rewşa vera polîtîkaya îxanetî û teslîm girotişî, ganê xo ganî-ganî veşna. Hînê dima zî panzehîrê îxanetî û teslîm girotişî de, pêşengê PKK Kemal Pîri Hayrî Durmuş, Memet Çîçek û Akîf Yilmazî çalakîya grewê veyşanî ra şehit kewtî.

Adirê zindanê Amedî ra, koyanê kurdîstanî de berz bi. Heyfgirotişê Zindanê Amedî, bi wesîleyê xoverodayîşê 15ê Tebaxe. Ancî zî seba qesasê/heyfgirotişê zindanê Amedî zaf embazî pêşnîyazanê xo vanê. Qorê embazî vanê ke ma hêrîşê Zindanê Amedî bikerê û qala tewr peyni zî Rayverê Şarê Kurd vano; ma qesasê Zindanê Amedî, ma senîhewa şexsê embazê Hekî de PKK awan kerde û ma enka zî şexsê şehîdanê zindanê Amedî de, xoverodayîşê mîladê 15ê Tebaxe bikerê û ma ancax no tewr qesasê şehîdanê xo gênê.

Ewro zî şarê kurd; qesasê/heyfgirotişê şehîdanê xo, ko bi awankerdişê Komara Demokratîke bigêro. Heyfgirotişê şehîdan xortkerdişê rêxistinbîyayîş û awankerdişê pergalê komunî yo. Her ca de ko komunî awan bibî. Ko komuna sîyasî, Komuna demokratîke, komuna taxan, komuna ziwanî û kulturî  û komuna debare awan bibo. Eke no war de, şarê kurd rêxistinîya xo hîna xort bikero û bingeyê demokratîkî birono. Bi no tewr deynê şahîdanê xo ano ca. Heyana ewro senîhewa bi sayeyê şehîdan ra têkoşîna kurdan berz bîya û ewro zî kurdî eşkenê no tewir deynê şehîdanê xo bîyaro ca.