TJA û MKG dê Nagihan Akarsel li Stenbolê bi bîr bînin

Endama Navenda Lêkolînên Jineolojiyê akademîsyen û rojnameger Nagihan Akarsel di 4’ê cotmeha 2022’yan de li bajarê Silêmaniye bi sûîqestekê hatibû qetilkirin. Tevgera Jinên Azad (TJA) û Komeleya Rojnamegerên Jin a Mezopotamyayê (MKG), dê ji bo bibîranîna Akarsel, li Stenbolê roja îmzeyan a pirtûka wê ya “Bêhna Gulê” li dar bixin. MKG û TJA dê bernameyê organize bikin. Dê siyasetmedar Sebahat Tuncel pirtûkê îmze bike. Çalakî dê di roja qetilkirina Akarsel de anku di 4’ê cotmehê saet di 19.00’ê de li Navenda Çanda Mezopotamyayê (NÇM) ya li Beyoglûyê were lidarxistin.