Rencberê ravêrdeyî ya aştî û demokratîke
Na ravêrdeyî/pêvajo, ravêrdeyî ya xwi newekerdene û destpeykerdene newê ya. Na destpeykerdene de, livdarê şarê kurdî do kilîta berê/kêverê serdema komela aşitî û demokratîke xwi ra peyda kerê; hetê siyasî, polîtîk, hunerî û wêjeyî ya vejenê xwi yê awankerdena vejê werte.
Şarê kurdî, şarêno wayîrê mêjuyêna derge û dila yo. Daneyê ki erdkendoxan vetê werte, hetê cuyena kariteyî ya na heqîqete peyitnenê ki, mêjûya şarê kurdî rîçeyanê xwi veradana deshezarana seran.
Paştiya koyanê zarokan de, miyanê lepanê xodawendan/dayikanê kurdan biyo halên şaristanî.
La mixabin no şaro wayîrê peydakerdena raybazanê kariteyî/çandinî û kedîkerdena heywananê diratoxan, hetê şaristaniya kapîtalîsta bêname û bêkamname verdeya yo.
Têverê na çinêhesibnayene de, livdaranê şarê ma, bi helwestêna xwiserî ya xovero da, têkoşîna estbiyene dê, heme dinyayî rê na jû dê erkêkerdene ki, şarêno ki çinê hesibêno, têkoşina pawitena erjeyanê xwi dano esto,
Nexasim peyniya têkoşîna Pancas seran, ya têwgêrayena azadiya şarê kurdî de, vîna livdaranê kurdî vijiyê werte û dima, hetê rayberê şarê Kurdî ya 27 ê Sibata 2025 de ravêrdeyîyêna newê deyê destpeykerdene; ravêrdeyî ya komelê aşitî/werey û demokratîke.
Na ravêrdeyî/pêvajo, ravêrdeyî ya xwi newekerdene û destpeykerdene newê ya. Na destpeykerdene de, livdarê şarê kurdî do kilîta berê/kêverê serdema komela aşitî û demokratîke xwi ra peyda kerê; hetê siyasî, polîtîk, hunerî û wêjeyî ya vejenê xwi yê awankerdena vejê werte.
Cokî ra ganî livdarê na ravêrdeyî ya awankerdena raybaza wereyî û demokratîke, verê heme çî wayîrê zerînizmeya Kemal Pîran bê û xwi vîra nêkerê ki, awankerdena raybazanê cuya komelkî de halên zerînizmeyî; ûslub, hîtabet, vejenê qenehkerdene, samîmîyet a.
Ganî wayîrê na helwesta wayîrvijiyayena ravêrdeyî, na jiwere xwi vîra nêkerê ki, biyayenê komelî de, awankerdena raybazanê neweyan rê rencbereyî lazim a. Sîyasetmedareyî, hunermendeyî, têkoşereyî ya awankerdena komelê demokratîkî, ganî zey raybazanê verênan nêbo, helweste û kerdenê ma teqez zerînizmeyî ya degroteyî û biyayeyî bê.
Livdarê na ravêrdeyî wazenê, seweta awankerdena Komela Demokratîke sîyaseta demokratîke biramê. Siyaseta demokratîke, qoltixan de nê, kolanan de, ebi tewrê rencbereyî ya ramana.
