'Paradîgmaya Ocalan nexşerêya azadiya gelan e'

Komîteya Ji Abdullah Ocalan re Azadî ya Başûrê Kurdistanê derbarê Komploya Navneteweyî ya 9ê Cotmehê daxuyaniyeke nivîskî weşand. Di daxuyaniyê de hat destnîşankirin ku komplo ne tenê siyasî ye û ev êrîşeke sîstematîk û îdeolojîk e li dijî îradeya azad a mirovahiyê ji aliyê hêzên hegemonîk. Di berdewamiya daxuyaniyê de wiha hat gotin: "Rêber Ocalan weke afirînerê felsefeya civaka demokratîk bi xwendina xwe ya rastiya dîrokî û têgihiştinên diyalektîk ên li ser krîzên cîhana hemdem girtîgeha Îmraliyê ji cihê cezakirinê veguherand navenda raman û zanebûnê. Berxwedana Rêber Ocalan û Tevgera Azadiyê berxwedana mirovahiyê ya li dijî binpêkirinên modernîteya kapîtalîst e.

Tecrîd û îşkence bi ser neket

Tevî ku 27 sal in di hucreya yekkesî û îşkenceya psîkolojîk de ma, îradeya entelektuel a Onder Ocalan nikare were şikandin û hikûmet hem ji hêla hiqûqî û hem jî ji hêla exlaqî ve bi hilweşîneke piralî re rû bi rû ma. Weke Komîteya Ji Abdullah Ocalan re Azadî ya Başûrê Kurdistanê, em îro radigihînin ku em ê ji bo azadiya fîzîkî û ramyarê mezin bê navber hewldan û însiyatîfên xwe bidomînin. Em balê dikişînin ser pêwîstiya têkbirina komployan û bang li gelê Kurd û hemû kesên ku azadîxwaz dikin ku di nav hewldanên sivîl û rewşenbîrî de bibin yek. Çareseriya rasteqîn bi serkeftina pêvajoya aştiyê, projeya Konfederalîzma Demokratîk û avakirina komareke demokratîk pêkan e. Paradîgmaya Rêber Ocalan nexşerêya ji bo azadiya gelê Kurd û hemû gelên herêmê ye."