Mitîngê azadîya Rayver Apoyî

Prosesî Rayverî telîyan sero ravêreno. Ewro siba çi beno çi nêbeno heme kes meraq keno. La çîyo ke raşteyî de aseno tam dîyar nîyo. Hetê prosesî ra çareserîya demokratîkî ra xebatî baş benê. Heme hetî ra seba çareserkerdişê prosesê rayverî ra konferansî virazîyenê û nê Konferansî zaf muhîmî û ganê netîceyê nê konferansan cayê xo bigîro pratîze bibê û şaran ra derman bibê. a

Konferansa Kongreyê Îslamê

Koferansa Kongreya Îslamê Demokratîkî amey viraştene û konferansa çîyo ke ame vatena îslam bi eslê xo adelet azadîye û seypêyî yo la dîn hetê dewlete û îktîdarî goreyê menfatê înan ame şuxulnayene û nê zî zirar da nê erjan. Bi esil îfakerdene famê îslamê demokratîkî yo ke bawerî vesayetê dewlet ra bêro xelisnayene û demokrasîyê komelkî reyde bêro têhet û konferanse de Peymanê Medîne ame niqaşkerdiş.aa

Konferansa Seserra Dîyine 

Konferansa en muhîm zî Stenbol de Konferansê Seserra Dîyine de bedilnayîşê Demokratîkî ye Komarê  ame kerdene û nê Konferanse de,  Konferansa zaf muhîm zî Konferansa ziwanê kurdkî ke hetê dezgehanê ziwanî yê demokratîkan ra bi şîarê statuyî ra heta perwerdeyî seba muzakereyî çarçeweyêka newî ame organîzekerdene û seba ziwanê kurdkî ra birîyarê zaf muhîmî amey girotiş.

Çar şaristanan de Mitîngê Azadîye

Seba waştişê azadîya Rayverê şarê kurdan ra çar şaristanan de Mîtîngê Azadî amey viraştiş. Bi hûmareyê hezaran ra semedê azadîya fîzîke ya Rayver Apoyî bi zerrî ra vengê gulbangî da. No warî de şarê kurd heme hetî ra hemverê dost û dişmenî ra îradeyê xo beyan kerd. Enka zî wextê serbestîya azadîya Rayver Apoyî ya. Qebulkerdişê Statuyê Rayver Apoyî yo. Statuyê Rayverî, statuyê şarê kurdan o. Ganî erka dewlete bi demê nizdîyan ra seba muzakereyî çarçeweyêka qanunê neweyî virazo û Rayver Apo azad bibo û rol û mîsyonê xo kay bikero. No warî de Têgêrayîşê Azadîya Kurd heme hetî ra gamê muhîmî eştî. Şarê kurd zî îradeyê xo heme hetî ra beyan kerd. Enka zî newba erka dewleta û goge linga dewlete da.

Ganî şarê kurd zî cayê xo de nêbipawo û bingeyê azadîya rêxistinî birano û komunanê xo saz bikero. Bi verên ra komuna ziwanî saz bikero û bingeyê statuya ziwanê xo birano. Eke bingeyê ziwanê xo birano û saz bikero se,  tira dime komunê bîynê, bi asanî ra saz benê. Ganî ma verê verkan statuyê ziwanî xo mîyanê xo de biranê hînê badî zî dewlete mecbur bena ke statuyê ziwanê kurdan qebul kena. Heyana ewro zaf konferansî kongreyî amey viraştene û enka zî dem- demê pratîkî yo. Ganî teorîyê bêyrê piratîzekerdene. Ganî ma powidê dewlete nêmanê. Eke ma pawidê dewlete bimanê, ma vinîkenê.

Şarê kurd bi rewşa rehetî ra tênêger o. Dewleta Romî çi kena çi nêkena hema zî dîyar nîyo. Yew qala verênan esta vanê: “Aweke rawkena la dişmen nêrawkeno”. Osmanî de kayî zafî û ganî ma nê kayanê heme qirêjan hesab bikerê û tedbîrê xo bigîrê. Dermanê heme çîyan rêxistinî yo û pirsgirêkê ma yo pîl zî organîzeyê rêxistinî yo û bawerî yo. No warî de şarê kurd hetê şerê taybetî ra heme qirêjîya dewlete dîya. No sebeb ra qet bawerî ya dewleta tirk nêkeno. Çimkî dewleta tirk zî heyana ewro yew gama rinde aver nêvista û hewayê her wextî alavêre û dalavêre kena. La nê menga Temuzî de heme çî dîyar beno. La çîyo ke werte de asano. Dewlete lingan çarnena. Hema zî qayîl nîya ke kurdî wayîrê yew statuyî bibê. Çîyo ke aseno û heyana Rohelato Mîyanênî de yew statuyê kurdan nêvirazî yo û kurdan ra rehet çîno. Rojawa seba kurdan ra dinîya de yew modelê hêvîya şaran bi. La dewleta tirkan veranêda ke kurdî wayîrê yew statuyî bibê. Hema zî Rojawa de demokrasîya şaran nêronîya ya û tehluke domîyeno. Do en peynî de zî kurdî kam roj bibi se, Rojhelato Mîyanênî de statuyê xo virazenê nê statuyî modele heme çar leteyanê Kurdistanî beno.