Mazlûm Ebdî û Îlham Ehmed cûn Pakrewangeha Şehîd Delîl Saroxan
Şêwirmendê Serokkomariya Sûriyeyê Mazlûm Ebdî û Hevseroka Daîreya Têkiliyên Derve Îlham Ehmed serdana Pakrewangeha Şehîd Delîl Saroxan kir.
Bi beşdariya malbatên şehîdan, Şêwirmendê Serokkomariya Sûriyeyê Mazlûm Ebdî û Hevseroka Daîreya Têkiliyên Derve Îlham Ehmed serdana Pakrewangeha Şehîd Delîl Saroxan kirin û sersaxî dan malbatên şehîdan. Îlham Ehmed di serdanê de rewşa siyasî û pêşketinên dawîn nirxandin û got: "Di demeke kurt de guhertinên mezin çêbûn. Em bi hêvî ne ku em karibin van guhertinan ji gelê xwe re şîrove bikin û hûrguliyên wê bêjin. Em derbasî merheleyeke nû bûne û zehmetiyên wê ji şer mezintir in. Şer ji siyasetê hêsantir e. Ev merhele merheleya avakirina edalet, aştî û demokrasiyê ye, lê zehmetir e."
Îlham Ehmed anî ziman ku qonaxa bê, dê hêviyên mezin ji gelên herêmê re bîne û got: "Rojên li pêşiya me wê xweştir bin. Dê xeyalên şehîdên ku ji bo vî welatî canê xwe dane pêk werin."
