‘Wa Êlih de 5-0 bibo’

Hemsereka Pêroyî ya HDPyî Pervîn Buldane ard ziwan ke ê do Êlih de 5 parlamenteran bigêrê.

Hemsereka HDPyî Pervîn Buldane mîtîng de qisey kerd. Buldane qiseykerdişê xo de pare kerd ke ê hêvî kenê ke şar nê buroyan pirr bikero û vat: ''Ma pê bawer ê ke şarê Êlihî weçînayîşan de 5 de 5 bikero û 5 parlamenteranê Partîya Çep a Keske bişawo Meclîsî. Erdlerzê Mereşî de na dewlete şar bêwayîr verda. Kesê ke merdimî muhtacê nanî kerdê, 14ê gulane de dersê xo do bigêrê.''

Buldane vist vîrî ke ê do nameyê Partîya Çep a Keske ser o tewrê weçînayîşan bibê û vat: ''Ma şarê xo ra bawer ê. Eke dek û dolabê înan est ê, hemleyê ma zî est ê. Şarê ma est o.''a