Vejêya werte ke cezaya 'volta' dêyaye Rayberê Şarê Kurdê

Vejîya werte ke Rayberî Şarî Kurdî Abdullah Ocalanî seba ke ‘volta’ eşte îlula 2018î de cezaya dîsîplînî dîyaye ci.

Goreyî xebera Ajansî Mezopotamya Abdullah Ocalan menga îlula 2018î de wextî falîyetî sporî de seba ke ‘volta’ eşte 3 mengî pîvînayîşî keyeyî ame astenkerdene. Abdullah Ocalanî dima ke pîya tepişteyanî bînan î ke İmrali de yî voleybol┬áû basketbol kay kerd, volta eşte. Serekîya Heyetî Dîsîplînî cipersayîşî dîsîplînî da destpîkerdene û seba ke ‘falîyetî sporî ağarnayo falîyetî sohbetî’ 14î îlula 2018î seba 3 mengan cezaya zîyaretî ra mehrum verdayîşî dîyaye Ocalanî.

Abdullah Ocalanî vera na ceza Dadgerîya İnfazî ya Bursa rî îtîraz kerd û vat volta hareketo tewr standart î zîndanan û waşt ke na xeletî ra peyser bîro agîrayene.

Na cezaya dîsîplînî raporî Komîteya Vergirewtişî İşkenceyî ya Konseya Ewropa (CPT) yo ke derheqî zîyaretî 6-17î gulana 2019î de 6î tebaxa 2020î de eşkera kerd de ca girewte.