Spena: Ganî pêro şarê dinya seba şiknayîşê tecrîdî têbigêrê

Endamê Delegasyonê Mîyanneteweyî yê Abdullah Ocalanî rê Azadîye Giovanni Russo Spenayî ard ziwan ke tecrîdê Îmraliyî vurîyayo îşkenceyî û ganî teyna şarê kurdî ney pêro şarê dinya seba şiknayîşê tecrîdî têbigêrê.

Çalakîye de hêverî hunermend Mubin Dunen vejîya sehne ser û deyîrî vatî.

Endamê Delegasyonê Mîyanneteweyî yê Abdullah Ocalanî rê Azadîye Giovanni Russo Spenayî roniştişê verênî yê çalakîye de qisey kerd. Spenayî ard ziwan ke tecrîdê Îmraliyî vurîyayo îşkenceyî û ganî teyna şarê kurdî ney pêro şarê dinya seba şiknayîşê tecrîdî têbigêrê.

Serekê Partîya Keskan û Parlamenterê verênî Paolo Centoyî zî vat: “Ganî ma sey ewropayîjanê ke mesuldarê tepişîyayîşê Abdullah Ocalanî yê, seba azadîya ci têkoşîn bikerê.''

Nuştoxe Michela Arricale vat: “Abdullah Ocalan raştê kerdişanê xiraban yeno û heqanê xo yê bingeyînan ra bêpar yeno verdayene.''

Şaredarê Herêma 8. yê Roma Amedeo Ciaccheriyî vat: “Abdullah Ocalan paradîgmaya çareserîya meseleyan pêşkêşê ma kerde. Ma ganî sey ewropayîjan paştî nêdê dewleta tirke.''

Roniştişê diyînî de Edîtor Roberto Mapelliyî û karîkaturîst Zerocalcarî vat: “Têkoşînê kurdan ganî çin nêhesibîyo ke vera DAÎŞî ser kewto.''

Nuştoxe Rojbîn Bêrîtane vat: “Cinîyan ê kurdan ma xelisnayî.''