Şingalijî do erd û bawerîya xo bipawê

Roniştoxanê Şingalî ard ziwan: ''Ma do meverdê qet yew hêz hêrişê domananê ma bikerê.''

Roniştoxanê Şingalî seba ke paştî bidê hêzanê xo yê asayîşî rixmê astengîyan zî xo resna Merkezê Asayîşê Êzidxanî yê Sinûnî û tîya de eşkerayîyêke daye.

Eşkerayîye de ame vatene ke Şingalijî do erdê xo, domananê xo, bawerî û kulturê xo ra fek vera medê. Şingalijan eşkerayîye de vera hukmatê Kazimîyî nêrazîbîyayîşê xo mojna û îfade kerd ke hukmat êzidîyan rê teslîmîyet û koleyîye ferz keno.

Şingalijan vat: ''Ma do heta peynîye têkoşîn bikerê û erdê xo bipawê. Ma do qetî hêzanê xo yê asayîşî YBŞ û YJŞyî ra fek vera medê. Ma do meverdê qet yew hêz hêrişê domananê ma bikerê.''