Qoser de buroyê weçînayîşî ame akerdene
Rêxistina DEM Partî ya Qoserî vizêr taxa Eskî Malîye de bi beşdarîya namzedanê xo yê Şaredarîya Mêrdînî Ahmet Turk û Devrîm Demîre, Parlamentere Bêrîtan Guneşe û namzedê Şaredarîya Qoserî Zeynî Îpeke...
Rêxistina DEM Partî ya Qoserî vizêr taxa Eskî Malîye de bi beşdarîya namzedanê xo yê Şaredarîya Mêrdînî Ahmet Turk û Devrîm Demîre, Parlamentere Bêrîtan Guneşe û namzedê Şaredarîya Qoserî Zeynî Îpeke û Hamdîye Turgaye buroyê weçînayîşî akerd.
Esnafan eleqeyêko pîl mojna namzedanê DEM Partî. Girse bi def û zurneyan ame pêşwazîkerdene û şarî girseyî reyde govende girewte.
Devrîm Demîre akerdiş de qisey kerd û pare kerd ke wextê şaredarîya xo de ê do xebatanê kultur, ziwan û nasnameyî aver berê.
Ahmet Turkî zî îfade kerd ke seba ke sîstemê zulmî bêro rijnayene ganî şarê kurdî yew bibo û vat: “Şarê kurdî qeyûman qebul nêkeno. Şarê ma nê weçînayîşî de bi xurtî paştî dano partîya ma.”
Dima Mayanê Aştîye buro akerd. Mayanê Aştîye verê buroyî de govende girewte û girseyî de çepikî dayî piro.
