Meclîsê Ciwanan ê HDPyî dest pê xebata weçînayîşî kerd
Meclîsê Ciwanan ê HDPyî bi eşkerayîyêke startê xebatanê weçînayîşî kerd.
Meclîsê Ciwanan ê HDPyî bi eşkerayîyêke startê xebatanê weçînayîşî kerd.
Hemvervatoxa Meclîsê Ciwanan ê HDPyî û Parlamentera HDPyî ya Amedî Dêrsim Dage eşkerayîye wende.
Eşkerayîye bi kilmî wina ya:
“Seba ke polîtîkayê ciwanan hetê ciwanan ra bêrê dîyarkerdene û bêrê îdarekerdene ma do Wezîrîya Ciwanan awan bikerê. Ma do sey cinîyanê ciwanan cuya azad û têdûşte awan bikerê.
Embazê ercîyayeyî; ma do pîya bixebitê û ma do pîya ser bikewê. Bi taybetî ciwanê ke reya verêne ray danê, wa xo şaş nekerê. Ma do raya xo 81 şaristanan de bidê Partîya Çep a Keske. Partîya Çep a Keske partîya to ya. Eke sîyaset de ti çin bo demokrasî qels o. Rayîrê serkewtiş û demokrasî to ra derbaz beno. Ti do AKPyî bin bivisnî.
Ciwanê ercîyayeyî; eşqê ma cuya azad a, eşqê ma têdûştî, şoriş û sosyalîzm o. Ma do cuya azade û têdûşte awan bikerê. Ma do şorişêkî bikerê, sosyalîzmî bîyarê ca. Ma do pîya bixebitê û pîya ser bikewê. Ma ciwan ê, tîya de yê, ma do bivurnê.''
