Kizilay ame gerrekerdene

TBByî seba ke ‘Bawerîya şarî xirab xebitnaya’ Sergozgerîya Komare ya Anqara de gerreyê wezîfedaranê Kizilayî kerd.

TBByî eşkerayîya xo ya gerrekerdişê Kizilayî de nê çîyî vatî; ‘‘Karo sereke yê Kizilayî o yo ke, seba rayapêroyî bixebitîyo. Wexto ke cayêkî de felaketêke bivirazîyo, seba ke cuya însanan bipawo, weşîya însanan bipawo, têkoşînê vera vêşanîye bipawo û seba ke setargehan bivirazo, xeymê ke emanetê ey ê, gere bierşewo cayê felakete.’’

‘Vera huqûqê heqê merdiman o’

Dewamê eşkerayîye wina ya: ‘‘Cayo ke hewce bikero, seba ke çareserkerdişê probleman, seba setarkerdişê welatîyan gere bi lez û bez xo biresno herême, bi raya şîrketanê ke awan kerdî, rotişê xeyman goreyê qanûnanê ke Kizilay girêdayîyê înan a, no sûc o û gere wezîfedarê Kizilayî bêrê cezakerdene. Cezayî ra vêşêr zî no vera huqûqê heqê merdiman o, vera qeydeyanê Heyva Sor a Mîyanneteweyan o.’’

Dimayê erdlerzê Mereşî vejîya meydan ke Kizilayî erdlerzî ra dima xeyme û zexîre rotî AHBAPî rê,şarî reaksîyon nîşan da.