Kirmanckî de kayvateyî

Kayvateyî, cumleyê ke bi îstîfadekerdişê cimendîya vate, çekuye û vengan yenê vatene û wayîrê nêmmana yê. Kayvateyî, vateyê bi qafîye û peymîye yê. Kayvateyî zafêrî seba domanan yenê vatene û amancê ci qebîlîyetê qiseykerdişê domanan xurtkerdiş û averberdiş o.

Nika ma cêr de bi nimûneyan bivînê:

1- Ekelo Tukelo

Oooo

Ekelo tukelo

Çar lingo, çepelo

Bijgojo qemilno

Alo vingo

Pîrko ling o

Mastê mîya

Ser selîya

Cila kere

Teqle bîya.

2- Qerez Kîşto

Çine gol bêbine

Qerez kîşto

Doçik lîşto

Ewdila şîyo dare ser

Cirît eşto vare ser

Koşkê çênan o

Textê lacan o

Pirê teyr û turan o.

3- Kole Kole - 1

Kole kole hezazî

Hak binê de virazî

Sarê ma şemamê ma

Tirkê ma xulamê ma

Mal verda bostanê ma

Seba tîle (letîkê) nonê ma

Korekî axan o

Pirrê çûçikan o

Kekê mi amo fîşe-fîşe

Fîşe bi çavuşe

Çavuşe bi zingile

Zingil ketî pita dilê.

4- Kole Kole – 2

Kole kole hezazî

Hak binê de virazî

Şarê ma şemamê ma

Tirkê ma xulamê ma

Axa şîyo dare ser

Cirît eşte vare ser.

5- Şanika Şine

Şanika Şine

Gol bêbine

Qerecê kîşto

Binê doçikî lîşto.

6- Dîko Dîko - 1

Dîko dîko lajê kerge

Bê ma şîme merga derge

Ez wena kena, ti ke bure.

7- Dîko Dîko - 2

Dîko dîko lacê kerge

Bê ma şîme merga derge

Ez çîneno to tapol ke

Meşo çê de zuran meke.

8- Qole Qole

Qole qole

Mi qidayê to gureto

Mi xo rê Xime ra

Girmikêke ron tirto

Çê ma lodî nîjnê,

Potê zerfetî

Meratanê kutika

Ser çimê jubînî vetî.

9- Alo Vingo

Alo vingo

Peg quling o

Mastê mîya

Ser selikan

Bin qulikan

Cila here

Teqle bîya

Ser ra şîya

Ti vejîya.

10- Lurî Lurî

Lurî lurî lurî lurî

Sayî dare ra bîyê sûrî

Raya nê yarê mi

çiqa bîya dûrî!

11- Kemer Kerr o

Kemer kerr o veng nêkeno

Layik doman o fam nêkeno

Pî axler o veng nêkeno.

12- Kele Kele

Kele kele

Dime kele

Sîne kele

Çate bele

Avle sîne

Paq û linge

Hîzmetçîye

Bî sekîye.

13- Şapiksîya

Lîndir lîndir

Doçikê gayî

Cêr ra ameyî

Çar pîyayî

Zerya mi kewta

Şapiksîyayî.

14- Mîya Qere

Oooo

Mîya qere

Doçik lere

Mi fetelne

To qefelne

Hesenî pêgurete

Elî binê tiriye reqisne.

15- Meşo Malî

Alî Alî

Meşo malî

Çênê şarî

Bîyê harî

To xapnenê benê

Kenê kuncikê tarî

Mîze verdanê vilê barî.

16- Nat û Dot

Nat û dot çima qirpnena

Xortan û çênekanê şarî qapnena

Ana mala ma de pê kay kena.