Îzmîr de 7 kesî ameyî destbendkerdene

Îzmîr de sereştişanê serê sibayî de Endamê Heyetê Rayberdişî yê Merkezî yê HDPyî Îdîl Ugurlu tede 7 kesî ameyî destbendkerdene.

Îzmîr de polîsê tirkî serê sibayî eşt xeylêk keyeyan ser. Endamê Heyetê Rayberdişî yê Merkezî yê HDPyî Îdîl Ugurlu û Maya Aştîye Behîye Yalçine tede tewr tay 7 kesî ameyî destbendkerdene. Bahaneya destbendkerdişî hema zî eşkera nêbîye. Kesê ke ameyî destbendkerdene ameyî Mudîrîya Asayîşî ya Îzmîrî.

Nameyê kesanê ke ameyî destbendkerdene wina yê: “Îdîl Ugurlu, Behîye Yalçine, Selma Demîre, Berfîn Çîçeke, Bariş Kirmizitaş, Hayat Îzgî û Newroz Çelîke.”