Hemkarîya PDK û dewleta tirkan Îtalya de ameye protestokerdene

Hêrişê dewleta tirkan ê vera temsîlkarîya KNKyî ya Hewlêrî û hemkarîya PDKyî şaristanê Torinoyî yê Îtalya de ameyî protestokerdene.

Şaristanê Torinoyî yê Îtalya de hêrişê dewleta tirkan ê vera temsîlkarîya KNKyî ya Hewlêrî û hemkarîya PDKyî ameyî protestokerdene. Çalakîye hetê Defend Kurdistan û Komunita Kurda ra ameye kerdene. Çalakîye de fotografê Denîz Cevdet Bulbunî û pankartî ameyî akerdene û sloganê sey “Bimre xiyanet” û “Şehîd namirin” ameyî vatene.

Eşkerayîya çalakîye de ame parekerdene ke dewleta tirkan PDKyî reyde kurdan qetil kena û hêrişê gerîlayan kena. Eşkerayîye de ame vatene ke şarê kurdî do verê îxanetê PDKyî bigêro.