HDP: Sindoqan terk nêkerê û bipawê
Merkezê Teqîbkerdiş û Koordînasyonê Weçînayîşî yê HDPyî venga şarî da û eşkerayîyêka winayêne kerde: “Vera pêro provokasyonanê îqtîdarî ma bi baldarî û bi aqlêkê selîmî sindoqan terk nêkerê û bipawê.
Merkezê Teqîbkerdiş û Koordînasyonê Weçînayîşî yê HDPyî venga şarî da û eşkerayîyêka winayêne kerde: “Vera pêro provokasyonanê îqtîdarî ma bi baldarî û bi aqlêkê selîmî sindoqan terk nêkerê û bipawê. Ma do destûr nêdê ke çew rayêka ma bidizno yan zî pûç bikero.”
Merkezî vat: ''Hayîya ma pê est a ke şarê ma qerqilîyeno ke wextê weçînayîşan de hîle û kayî bêrê kerdene. Rixmê hîleyanê AKP-MHPyî zî ma do asayîşê weçînayîşan bîyarê ca. Vera pêro provokasyonanê îqtîdarî ma bi baldarî û bi aqlêkê selîmî sindoqan terk nêkerê û bipawê. Ma do destûr nêdê ke çew rayêka ma bidizno yan zî pûç bikero.
Pêro hîleyê ke beno ke îqtîdar bikero hetê partîya ma ra ameyê ercnayene û tedbîrê lazimî gêrîyayî. Tewr tay 100 hezar zerrîwazê partîye do sindoqan û rayanê ma bipawê. Nînan ra ber 3 hezar avûkatî zî do mudaxeleyê bêusûlîyan bikerê û wezîfedaranê sindoqan reyde bixebitê.
Ma venga şarê xo danê ke weçînayîşan ra verî û roja weçînayîşan de vera pêro operasyonan û manîpulasyonanê medyaya îqtîdarîû hukmatî hişyar bibo. Ganî şarê ma na babete de eşkerayîyanê Merkezê ma yê Koordînasyonî û eşkerayîyanê ma esas bigêro.
Seba pawitişê rayan ganî şarê ma zî embazanê ma yê wezîfedar û muşahîdan teyna nêverdo. Ma her kesî rê serkewtiş wazenê.''
