CPTyî reyde pêvînayîş ame kerdene

Parlamenterê DEM Partî Omer Ocalan û Avûkat Ozgur Faîk Erolî selahîyetdaranê CPTyî reyde ameyî têhet û meseleya tecrîdê vera Serekê PKKyî Abdullah Ocalanî qisey kerde.

Strasbourgê Fransa de Parlamenterê DEM Partî Omer Ocalanî û Avûkat Ozgur Faîk Erolî derheqê tecrîdê vera Rayberê Şarê Kurdî Abdullah Ocalanî de selahîyetdaranê Komîteya Vergirewtişê îşkenceyî (CPT) de pêvînayîş kerd.

Ocalanî û Erolî derheqê babete de ANFyî rê qisey kerd.

Omer Ocalanî îfade kerd ke înan tecrîd û bêhuqûqîyanê Îmraliyî ser o agahîyî dayê CPTyî. Ocalanî pare kerd ke selahîyetdaranê CPTyî vat ke ê bê destûrê Tirkîya nêeşkenê raporanê xo yê serê Îmraliyî eşkera bikerê.

Ocalanî pêvînayîş de vist vîrî ke Abdullah Ocalan seba meseleya kurdan girîng o û CPTyî ra waşt ke na babete de hîsger bibo û Tirkîya rê teda bikero.

Avûkat Erolî dîyar kerd ke pêvînayîş înan pare kerdo ke ganî şertê Îmraliyî bêrê ercnayene û CPT rolanê xo bîyaro ca.

Erolî vat ke pêvînayîş de înan rexne kerdoke CPT bi tewirê xo tecrîdî rê paştî dano. Erolî vat: “CPT seba ke qesawetê kurdan ê serê rewşa Ocalanî biqedîno tewirêkî bigêro. Seba ney çi bikewo milê ma, ma do bikerê.''