CPJ: Rojnamegeranê kurdan vera bidê

Komîteya Pawitişê Rojnamegeran (CPJ) derheqê rojnamegeranê destbendkerdeyan de eşkerayîyêke daye û waşt dewleta tirke înan vera bida.

25ê teşrîna verêne de 11 rojnamegerê kurdî sereştişan de amebî destbendkerdene. Komîteya Pawitişê Rojnamegeran (CPJ) derheqê nê rojnamegeran de eşkerayîyêke daye û waşt ke rojnamegerê kurdî vera bidîyê.

Koordînatora Programê Asyaya Mîyanêne û Ewropa ya CPJyî Gulnoza Saîde vat: “Meqamanê tirkan çarçewa tehqîqatanê nimiteyan de bi fermanê mehkemeyan reyna xeylêk rojnamegerî azadîye ra bêpar verdayî.''

CPJyî vist vîrî ke 16ê hezîrane de zî 16 rojnamegerê kurdî tepişîyabî û vat: “Meqamê tirkî wa cade rojnamegeranê kurdan vera bidê, malzemeyanê ke dest nîyabî ser apey bidê rojnamegeran û hînî bi sucdarîyanê bêbingeyîyan çapemenîya kurde tacîz mekerê.''