‘Çapemenîya kurdan komelî roşnî kena’

HDPyî Roja Rojnamevanîya Kurdan de eşkerayîye kerde: ''Çapemenîya kurdan seba ke komelî roşnî bikera û biba vengê şarî, rolê xo yê girîngî rê dewam kena.''

Hetkarê Hemserekanê HDPyî yê Komîsyonê Propaganda û Çapemenîye ra Berpirsîyar Tayîp Temelî bi wesîleya Roja Rojnamevanîya Kurdan eşkerayîyêka nuştekîye daye.

Temelî da zanayene ke 22ê nîsana 1898î de Kahîre de hetê Mîqdat Mîdhed Bedirxanî ra rojnameyo verên ê kurdkî Kurdistan ame çapkerdene û nê rojnameyî bingeyê verênî yê çapemenîya azade ya kurdan eştî.

Temelî vat: ''Na maceraya çapemenîya kurdan tim ameye hedefkerdene. Ewro zî vera çapemenîya kurdan tedayî dewam kenê. La rojnamevanîya kurdan rêçê Bedîrxan û Musa Anteran de rayîrê xo rê dewam kena. Çapemenîya kurdan seba ke komelî roşnî bikera û biba vengê şarî, rolê xo yê girîngî rê dewam kena.

Ma bi wesîleya na roje venga her kesî danê ke vera hêrişanê serê çapemenîya kurdan roşnî û raştîye bipawo. Ma şehîdanê çapemenîye zî bi rêzdarî yad kenê û Roja Rojnamevanîya Kurdan fîraz kenê.''