Can Gudero ke zîndan de qetil bibi ame definkerdene
Tepişteyê bi nameyê Can Gudero ke bi hawayêkê şikdarî Zîndanê Wanî de amebi qetilkerdene, Gever de ame definkerdene.
Tepişteyê bi nameyê Can Gudero ke bi hawayêkê şikdarî Zîndanê Wanî de amebi qetilkerdene, Gever de ame definkerdene.
Tepişte Can Guder (20) o ke vizêr bi hawayêkê şikdarî Zîndanê Wanî de amebi qetilkerdene, Gever de Goristanê Bajirge de ame definkerdene.
Keyeyê Guderî Colemêrgî ra ame Wan, Dezgehê Tipê Edlîyî ra cenaza girewte û berde Gever. Ame parekerdene ke îtîrazê keye û avûkatan ra dima cenaza seba otopsî ameye berdene bi Nêweşxaneyê Dewlete yê Geverî. Keyeyî dima cenaza girewte û defin kerde.
Polîsan nêweşxane û goristan girewt binê abluka, nêverda ke rojnamegerî dimenan bigêrê. Wekîlê Partîya Demokratîke ya Şaran (HDP) yê Colemêrgî Saît Dede û Rêxistina HDPyî ya Geverî beşdarê merasîmê cenaza bîyî.
Îdareyê Zîndanî îdîa kerd ke Guder rîyê krîzê qelbî ra dinyaya xo bedilnayeya la merdimanê ey vat nêweşîya ey a kronîkî çînê bî û no sey mergê şikdarî hesibna. Guderî rê cezaya zîndanî ya 18 serran amebî dayene. COLEMÊRG
