Brîtanya de raydayîş dewam keno

Brîtanya de 4 rojanê verênan de 35 hezar kesan raye daye. Raydayîş heta 7ê gulane do dewam bikero.

Koordînasyonê Weçînayîşî yê Brîtanya yê Partîya Çep a Keske bi rayîrê ANFyî venga weçînitoxanê Brîtanya da ke heta 7ê gulane raya xo bidê.

Komeleya Kulturî ya Karkeranê Koçberan (GÎK-DER) ra Îbrahîm Avcilî vat ke raydayîş erk û mesuldarîya pêro weçînitoxan o û wina qisey kerd: “Seba rijbayîşê rejîmê tekcamêrdî û faşîzmî ganî weçînitoxî heta 7ê gulane şorê sindoqan ser û raya xo bidê. Ma wazenê ke şarê ma dormeyê Partîya Çep a Keske de kom bibo û raya xo bido.''

Vervatoxê Merkezê Komelê Kurdan û Tirkan (DAY-MER) Feyzullah Cînpolatî vat: “Ê yê ke raya xo nêşinê nêdanê wa hînî sîstemê faşîstî ra lome nêkerê. Weçînayîşî seba ma firsendê tarîxî yê. Ma eşkenê rojêke mabên bidê her çî û şorê seba azadîye û aramîye raya xo bidê.''

Zerrîwaza Îtîfaqê Kede û Azadîye û hunermende Hazal Demîrele wina îfade kerd: “Ma tîya de pabeyê şarê xo yê. Ma xîret kenê ke asayîşê sindoqan zî bîyarê ca.Ganî ma qetî raya xo bidê. Raya ma her çîyê ma yo.''