Amedîyê de dîmenê cergan

Bi mengan o ke bi belge û şahîdan eşkera yeno zanayene ke dewleta tirke çeteyê ke Sûrîye ra kerdî pêser, kirişena Başûrê Kurdîstanî. Hewlêr û Bexdad hema zî bêveng ê.

Tewr peynî de rojnameger Huner Amet şi dewa Belavê ya qezaya Amêdîyê ya Duhokî û dîmenê çeteyan antî. Huner Ahmet bî şahîd ke çeteyê ke herême de yê erdîşderg ê û erebkî qisey kenê.

Huner Ametî vat: “Hûmara çeteyanê ke dewleta tirke semedê îşxalî şawitî Başûrê Kurdîstanî 600 ya. Heme çeteyî Efrîn û Cindirêsê ra ameyî ardene û inkey ronayîşê baregehanê leşkeran ê neweyan de xebitîyenê.''

Vervatoxê YNKyî 7ê temmuza 2024î de eşkerayîyêka xo de dabî eşnawitene ke nizdê 300 çeteyanê DAÎŞî herêma Bala ya Berwarî de ameyî cakerdene. O wextî ra kiriştişê çeteyan dewam kerd.

Merkezê Belgekerdişê Binpaykerdişan ê Rojawanî zî 23yê temmuze de raporê xo de eşkera kerdbî ke dewleta tirke 300 çeteyê xo Sûrîye ra kiriştî Başûrê Kurdîstanî.