Fermandarê Heşdî Şabî hat binçavkirin
Dije Terora Iraqê û Dezgeha Îstîxbaratê di encama operasyonek hevbeş de yek ji berpirsên hêzên Desteya Heşdî Şabî Ebu Cefer li mala wî binçav kirin.
•
1 deqe xwendin
Medyaya Iraqê ragihand ku di operasyoneke hêzên ewlehiyê de fermandarekî hêzên Heşdî Şabî hatiye binçavkirin.
Hat diyarkirin ku danê sibehê Dezgeha Dije Teror a Iraqê û Dezgeha Îstîxbarata Iraqê operasyonek lidar xistin û fermandarekî Desteya Heşdî Şeebî yê bi navê Ebû Cefer li mala wî hate girtin.
Lê nehat diyarkirin ku ew fermandarî li kîjan bajar û ji ber kîjan sedemî hatiye binçavkirin.
Hêjayî gotinê ye ku berê jî fermandarekî Heşdî Şabî li Bexdayê hatibû girtin, lê piştî çend rojan hatibû berdan.
