Bi bacanê înan kitabê dibistanan yenê amadekerdişî, heme hacetê bînî yê asîmîlasyonî yenê peydakerdişî û tûtê kurdan pê yenê asîmîlekerdişî. Rocê ma yê eyroyî de ke hetêke prosesê çareserîye yeno qiseykerdişî, hetê bînî ra nîjadperestîya faşîstanê ke bi serran hetê desthilatî ra ameyê fîtiknayîşî xo ramojnena, şarê ma bi metanet, bi bawerî û aştîwazî hewl dano hemkarîya prosesê çareserîye bikero.
Têkoşîna înan hemverê qedexeyê ke serê nasname û ziwanê înan yenê kerdişî bîyo. Lazim o bêro zanayîşî ke heqê her merdimî esto ke wayîr ro nasname, ziwan, erd û warê xo vecîyo û hemverê qedexeyan û zordestîya serdestan vecîyo.
Ma kurdî waştişê ziwanê kurdkî de zerrîweşî yê, ne tenê rocanê diyarkerdan lazim o ma heme rocanê serre bikerê warê têkoşîna ziwanî, xusûsî polîtîkayêke ziwanî bidê xo ver û semedê heqê perwerdeyîya bi ziwanê dayîke, heta semedê fermîkerdişê ziwanê dayîke zor bidê serê na pergala tekpawitoxe