Ma kurdî seba ziwandê xo statu wazenê. Seba ki ziwanê ma bibo wayerê statuyî ma mucadele kenê. Rojevanê ravêrî (proses, pedeşo) Aştî û Komalo Demokratîk ra yew zî statuyê ziwanê kirdkî yo. Babetanê sereke yê muzakereyî ra yê tewr verîn statuyê kirdkî yo.
Mayi (Gulistan), şîîrê Bellî di yew sembol a. Sembola welatî ya. Sembola demeyê vîyarteyî, sembola tarîxî ya. Sembola hafiza ya. Sembola kamî ya. Ziwan bi xo ya. Xora ziwan sembolê hafizaya kolektîf o. Hafizaya Alî Haydarî ya kolektîfi dest ra şîya. Mi şîîrê Şemsî Bellî yê bi nameyê Ez Alî Haydaro Pilomurij tirkî ra açarnabi û nuşteyê xo yê vîyarteyî di dabi. Ez wazena ney nuşteyî di şîîrê Bellî ser o çand qiseyan bikera.
Merdimê ma yê ki kar û xebatanê ziwanî di sîfleyi wenê, fikirîyenê, nusenê heme zaf rind zanê ki na dehkera di problemê ma zaf ê. Hind zaf ê ki belkî çand komxebatî, çand konferansî besê ma nêkerê. Mumkun nîyo ki heme problemê ziwanê ma pê çand gaman bêrê çareserkerdiş