Alî Haydar Kaytan li Kolnê bi girseyî bi bîr anîn
Alî Haydar Kaytan (Fuat) ê ku ji kadroyên damezrîner ên PKKê ye, li bajarê Kolnê bi girseyî hate bibîr anîn. Axivîneran bal kişandin ser têkoşîn û berxwedana wî.
Brûsk Bagok
Ji bo pêşengê PKKê Alî Haydar Kaytan (Fuat) li Kolnê bernameyek bi girseyî hat amadekirin. Merasîm li salona Saal 2000 hate pêkanîn û bi beşdariya gelek Kurdistanî û dostên gelê kurd re bû cihê civîn û bîranîna yek ji kesayetiyên sereke yên tekoşîna kurdan.
Deriyê ketinê û hundirê salonê bi kulîlk û pankartan hatin xemilandin. Li sehneyê wêneyên Rêberê Gelê Kurd Abdullah Ocalan, Ali Haydar Kaytan, Riza Altun, Sakine Cansiz, Nurredin Sofi û gelek şehîdên azadiyê hatibûn daliqandin. Li ser ekrana dîjîtal a mezin a sehneyê, dîmen û wêneyên ku beşên cuda ji jiyana Ali Haydar Kaytan nîşan didan hatin pêşkêşkirin. Ev dîmen bi baldarî ji aliyê beşdaran ve hatin şopandin û bûn sedema bîranîna salên tekoşîn û fedakarîyên wî. Bername bi deqeyek rawestana rêzgirtinê ji bo hemû şehîdên azadiyê dest pê kir. Pişt re Pir Riza Yagmur Gulbang xwend. Di Gulbangê de ji bo şehîdan, gelê kurd û aştiya gelan dua hat kirin.
Pir Riza Yagmur ewil di axaftina xwe de bal kişand ser êş û dijwarîyên ku gelê kurd di dirêjahiya dîrokê de rastî wan hatiye. Ewil bi taybetî behsa komkujiyên li Dêrsimê kir û got ku kesayetiyên wek Ali Haydar Kaytan bi jiyan û tekoşîna xwe li dijî zilm, înkar û asîmîlasyonê rawestiyan. Li gorî wî, Ali Haydar Kaytan ne tenê wekî siyasetmedarek an tekoşerek, lê her weha wekî kesayetiyeke fikrî û rêberê civakî di bîra gelê Kurd de cih digire.
Di merasîmê de peyama vîdeoyî ya endamê Encumena Rêvebir a KCKê, Mustafa Karasu, jî hate pêşkêşkirin. Mustafa Karasu di peyama xe de li ser jiyana Alî Haydar Kaytan, rola wî di damezrandina tevgerê de û nirxa fikrî ya ku ji bo tekoşîna azadiyê hiştibû rawestiya. Peyam bi baldarî hate guhdarîkirin û gelek caran bi alkîşên beşdaran hate piştgirîkirin. Di tevahiya bernameyê de, beşdaran hest û bîranînên xwe yên derbarê jiyana Alî Haydar Kaytan de parve kirin. Gelek kesan bal kişandin ser fedakarî, dilsoziyê û tekoşîna wî ya ji bo maf û azadiya gelê Kurd.
Merasîma bîranînê di nav atmosferê de ya hestyar û bi coş de domand û di dawiya xwe de bi sloganên “Şehîd Namirin.
