Zurîh de vera tebersînorkerdişî çalakîye ameye viraştene
Zurîh de vera caardişanê tebersînorkerdişî ke zêdîyene, çalakîye ameye viraştene. Çalakwanan vat ke heqê mendişî nêeşkeno bibo babeta bazarîye û waşt wa caardişê peyserşawitişî bêrê vindarnayene.
Zurîhê Swîsre de vera caardişanê tebersînorkerdişî ke zêdîyene, Burkliplatz de çalakîye ameye oraganîzekerdene. Merkezê Komelê Demokratîkî yê Kurdan, têgêrayîşê şorişgêranê tirkîyayijan, grûbê cinîyan û rêxistinê cîya cîyayî tewrê çalakîye bîyî.
Çalakîye de mesajê paştdayîşî yê Rojawanî ameyî dayene û sloganê sey “Bijî Berxwedana Rojava” û “Jin, Jiyan, Azadî” ameyî vatene.
Eşkerayîye de bale ameye antene binpaykerdişanê merkezanê cayêmendişî û prosesanê peyerşawitişî ser û ame vatene vat heqê mendişî nêeşkeno bibo babeta bazarîye û ame waştene ke wa caardişê peyerşawitişî bêrê vindarnayene.
