Zubeyde Zumrut: Ma pêro pîya tewrê rayraşîyayîşê dergî û fetîvale bibê
Hemsereka KCDK-E Zubeyde Zumrut seba tewrbîyayîşê rayraşîyayîşê dergî û festîvala ke do 5ê êlule de Dortmund de bêro kerdene veng da û vat, ‘’ Ma do pîya bi ciwanan seba azadîya fîzîkî ya Rayber Adullah Ocalanî biqîrê.''
Festîvala Kulturê Kurdan a Mîyanneteweyî ke her serre Ewropa de yena kerdene, emser do 5ê êlule de bajarê Dortmundî de bêro kerdene. Verê festîvale ciwanî do seba azadîya fîzîkî ya Rayber Apoyî rayraşîyaîşê dergî organîze bikerê.
Hemsereka KCDK-E Zubeyde Zumruta ke derheqê rayraşîyayîş û festîvale de eşkerayîye daye, seba tewrbîyayîşî veng da kurdîstanijanê ke Ewropa de ciwîyenê.
Zubeyde Zumrut ard ziwan ke rayraşîyayîşo derg têna meseleya ciwanan nîya û nê vatî: ''Ganî ma hewtî ra heta hewtayî tewrê ci bibê. Ciwanî do serkêşîye bikerî, ma zî pîya bi ciwanan do rayraşîyayîş de cayê xo bigîrê. Ciwanî do 3ê êlyule kom bibê û 4ê êlule de saetê 09.00 de verê Dêrê Domî de bêrê têhet. Ma zî do ûca de bê û pîya bi ciwanan seba azadîya Rayber Abdullah Ocalanî biqîrê.
Emser festîvale seba şarê kurdî û şarê ma ke dîaspora de yo berpirsîyarîya ci ya tarîxî ya cîya est a. Ma pêro şarê xo ke Ewropa de ciwîyeno 4ê êlule de verê Dêrê Domî de pawenê. 5ê êlule de zî ma Dortmund de warê festîvale de bêrê têhet.''
