ZIMAN-DER’î Kongreya Xo ya 1. ya asayîye viraşte

Komeleya Cîgayîş û Averberdişê Kultur û Ziwanî (ZIMAN-DER) ya ke Colemêrg de faalîyet rayra bena, kongreya xo ya 1. ya asayîye viraşte. Kongre, bînaya Platformê Şubeyan ê Colemêrgî ya Konfederasyonê Sendîkayan ê Kedkaran ê Pêroyî (KESK) de virazîyaye; temsîlkarê partîyan ê sîyasîyan, ê sazîyan ê demokratîkan ê şaristanî û zaf hemwelatijî tewrê kongre bîyî.

Kongre bi vinderdişê rûmetî dest pêkerd û kongre de tim sloganê “Bê ziman jiyan nabe” ame vatene. Hemserekê ZIMAN-DER’î Naîf Beyterî kongre de qisey kerd û da zanayene ke seba ke vera polîtîkayanê asîmîlasyonî yê serê kurdkî têkoşîn bikerê, înan na komele ronaya.

Dima ra Hemverfekê Komîsyonê Ziwan, Kultur û Hunerî yê Partîya Têduştîye û Demokrasîyî ya Şaran (DEM Partî) Heval Dilbiharî qisey kerd û va ke seba ke kurdkî bibo ziwanêko fermî, ê do têkoşînê xo bidomnê. Dilbiharî dîqet ant ser ke ganî vera polîtîkayanê asîmîlasyonî kurdkî her warê cuye de bêro xebitnayene û wina va: “Rayber Abdullah Ocalanî roja ke têkoşîn dest pêkerdo ra nat, zaf rey ehemîyetê kurdkî ard ziwan. Ziwanê ma xeta ma ya sûre ya. Ewro kurdkî, her cayê dinya de ziwanêko zanaye yo. Dewlete bi rayîr û metodanê cîyayan vera kurdkî polîtîkayan rayra bena."

Qiseykerdişan ra dima bi weçînitişêko ke virazîya, Evîn Temel û Metîn Can seba hemserekîya komele ameyî weçînitiş.