YRKyî şehîdê 14ê temmuze yad kerdî
Yewînanê Pawitişî yê Rojhelatê Kurdîstanî (YRK) şehîdê Xoverdayîşê 14ê temmuze û şehîdê Şaho û Pêncwînî yad kerdî û sozê xo newe kerd ke do xeyalanê şehîdan biresnê serkewtişî.
Fermandarîya YRKyî eşkerayîya ke şehîdê aşma temmuze yad kerdî, tede vat: "Ma sey YRKyî hevalanê xo, Cengaver Mîkaîl, Andok Tolhildan û Şehîd Raman Rênasê ke 14ê temmuze 2024î de Pêncwînî de resayî şehadetî; Nûman Amed, Şehîd Mûnzûr û Şehîd Argeş Sineyê ke 14ê temmuze 2018î de herêma Şaho-Pawe de, Sine de resayî şehadetî, yad kenê.
Ma sozê xo newe kenê ke ma do azadîya fîzîkî ya Rayber Apoyî temîn bikerê û ma do bibê şerwan û fermandarê şerê şoreşgerî yê şarî.
Şehîdê ma temînatê cuya ma ya azad ê. Heme cehd û têkoşînê şehîdanê ma yê ke goreyê heqîqetê Rayber Apoyî seba resayîşê şarê ma yê estbîyayîş û azadîye mojnayî, ame domkerdene."
Eşkerayîye de keyeyanê şehîdan û heme şarê Kurdîstanî rê serweşî ameye waştene û ame qeydkerdene: "Ma sozê xo newe kenê ke ma do rêça şehîdanê xo de heta gonîya xo ya peyêne têkoşîn bikerê ke biresê serkewtişî û ma do xeyalanê hevalanê xo bîyarê ca."
