YJA Starî şehîdê ke veng û çalakîya azadîye yê, bihurmet yad kerdî

Fermandarîya Qerargehê Merkezê YJA Starî bi eşkerayîya nuştekîye gerîlayê ke tarîxanê cîya cîyayan de şehîd bîyî, yad kerdî.

Eşkerayîye de ca dîya nînan:

“Şehîdê ma ke çimeyê cuye û têkoşînê ma yê, bingeyê Têkoşînê Azadîye yê Kurdîstanî pê anê.Têgêrayîşê ma yê azadîye yo ke têgêrayîşêkê şehîdan o, xebatanê xo goreyê caardişê waştişanê şehîdan rayra beno. Nê demî de ke bêmanayîye yan ferzkerdene, şehîdanê ma pêrodayîşê merdibîyayîşî ganî verda û vera bêmanayîye seba merdimbîyayîşî israr kerd. Têgêrayîşê ma bi keda şehîdan heta ewroyî ame. 

Sey cinîyan ê kurdan naskerdişê azadîye û ver bi azadîye averşîyayîş rehet nêbi. Pê keda pîle û têkoşînê xurtî ma resayê nê rojan.Têkoşînê şehîdanê ma vera heme xirabîyan bi veng û çalakîya cuya azade û cinîya azade. Tarîxê azadîye wayîrê wina mîrasê xoverdyaîşî yê biheybetî yo.

Pêkewtişanê giranan ê mabênê ma û dewleta tirke de ewlatê şarê ma yê erjîyayeyî şehîd bîyî. Seba ke şer giran bi ma nêeşkeayî wextê ci de şehadetanê hemrayanê xo eşkera bikerê. Erey bo zî ma deyndar ê ke şehadetê embazanê xo eşkera bikerê. Nê semedî ra ma hemrayanê xo yê ke wextanê cîya cîyayan de şehîd bîyî, yad kenê. Ma sere de keyeyanê erjîyayeyan ê şehîdanê xo rê, heme şarê welatperwerî yê Kurdîstanî rê serweşîye wazenê.

Nika wextê ci yo ke ma beyraqa înan dewr bigîrê û bi Rayberîya Azade, Kurdîstanê Azad û Demokratîkî de tewrê aktîf tewrê Hemleya Haştîye û Komelê Demokratîkî bibê. Ma zî reyna vanê ke ma do bi înşakerdişê cuya azade qesasê şehîdanê xo bigîrê.''