Yewîya Çapemenîya Êzdîxanî konferansê xo yo verên viraşt
Yewîya Çapemenîya Êzdîxanî konferansê xo yo verên Şingal de bi şîarê ‘’ Kam ke hedefê ci yê girdî est ê, xîretkerdişê ci zî gird o’’ organîze kerd.
Çarçewaya newe ra înşakerdişê Şingalî de xebatî dewam kenê. Yewîya Çapemenîya Êzdîxanî Şingal de konferansê xo yo verên viraşt
Konferanso ke bi şîarê ‘’Kam ke hedefê ci yê girdî est ê, xîretkerdişê ci zî gird o’’ ame organîzekerdene, 50 delegeyî û temsîlkarê TAJÊ, Meclîsê Şarî, şaredarî, Komîteya Dîplomasî, Jineolojî, Komîteya Çepemenî ya Asayîşî, YBŞ-YJŞ û Çapemenîya Azade ya Cinîyan ê Êzidîyan tewrê ci bîyî.
Hemserekê Meclîsê Şarî yê Şingalî Azad Hisênî ke akerdişê konferansî de qisey kerd, bale ante serê rolê çapemenîya azad ser ke heqîqetê êzidîyan dinya rê dana eşnawitene û vat ganî mabênê dezgehanê çapemenîye yê Şingalî de çarçewaya hempare bêro pêardene.
Konferans de dima ra raporê xebatanê warê çapemenî û belgeyê înşa ameyî wendene. Erjnayîşan de ke ameyî kerdene, ame vatene ke çapemenîya Êzdîxanî ganî têkîlîya xo bi torranê medyaya herême û mîyanneteweyî xurtêr bikero û xebatanê hermparan rarya bêro.
Konferans de des kesan ra Heyyetê Rayberdişî yê Yewîya Çapemenî ame vînayene. Yeno pawitene ke qerarê ke konferans de ameyî girewtene û encamname do rojanê verê ma de bêrê parekerdene.
